KOSOVË- Edona James ka hedhur akuza të forta ndaj fituesit të edicionit të dytë të “Big Brother Kosova”.
E ftuar në emisionin “Hallakamë”, Edona ka folur për herë të parë mbi fituesin e këtij edicioni, ish-futbollistin Lumbardh Salihu, duke ia quajtur fitoren të pamerituar.
Ajo gjithashtu pretendon se fitoren Lumbardhit ja ka siguruar babai i tij duke i blerë votat e publikut.
“Unë besoj se… nuk e di nëse mundem ta them por unë besoj se Lumbardhi nuk e ka 100% fitoren nga publiku por babai i tij ia ka blerë fitoren. Edhe unë po ti kisha investuar 50 mijë euro në vota do ta kisha fituar. Sepse unë i shoh reagimet e publikut jashtë shoh videot dhe ajo çfarë vë re është se populli janë nervozuar për fitoren e Lumbardhit. Të betohem se të gjitha mesazhet ishin se unë e meritoja, pa ty nuk kishte qenë “BigBrother “ kaq i madh më shkruajnë njerëzit.”- shprehet Edona.
Vetë banorja, e cila theu tabutë, e të parës transgjinore në një Big Brother në trojet shqiptare, u rendit e katërta në finalen e madhe të javës së kaluar.
/ZËRI
