KOREJA E JUGUT- Trajneri gjerman i Koresë së Jugut, Jurgen Klinsmann është shkarkuar, pas eliminimit të skuadrës nga Jordania në çerek-finalet e Kupës së Azisë. Komiteti i ekipit kombëtar të Federatës së Futbollit të Koresë u takua këtë javë, pas humbjes 2-0 ndaj Jordanisë në gjysmëfinale.
Më pas është bordi ekzekutiv i APK-së, i cili do të marrë vendim final për fatin e 59-vjeçarit gjerman. Protestuesit u mblodhën jashtë selisë së APK-së në Seul, duke kërkuar largimin e Klinsmann, pas vetëm më pak se një viti në post. "Ne kemi arritur një konsensus që Klinsmann, nuk mund ta vazhdojë më detyrën", tha Hwangbo Kwan i komitetit.
Hwangbo tha se komiteti vendosi se përgatitja taktike e Klinsmann dështoi gjatë fushatës së ekipit në Kupën e Azisë në Katar. Ai shtoi se trajneri kishte konflikte dhe me banorët. “Klinsmann tha se kishte mosmarrëveshje mes anëtarëve të skuadrës dhe kjo ndikoi në performancën e tyre”, shtoi ai. Klinsmann iu bashkua një video-konference nga shtëpia e tij në Shtetet e Bashkuara, por duket se e injoron zemërimin, për qëndrimet e tij të shkurtra në Korenë e Jugut.
Klinsmann gjithashtu ka refuzuar të japë dorëheqjen. Në mediat koreane u raportua për një përplasje mes lojtarëve, që la Son Heung Min me një gisht të lënduar, në prag të ndeshjes me Jordaninë. Lee Kang In i Paris Saint-Germain thuhet se ishte përpjekur të godiste me grusht kapitenin dhe yllin e Tottenhamit, Son./ZËRI/
