PORTUGALI- Cristiano Ronaldo shënoi golin e 900-të në karrierën e tij profesioniste në ndeshjen hapëse të Portugalisë në Ligën e Kombeve 2024/25 kundër Kroacisë, të zhvilluar më 5 shtator në Estádio da Luz, Lisbonë. Me këtë arritje, Ronaldo e zgjeron rekordin e tij si golashënuesi më i mirë i të gjitha kohërave, duke lënë pas Lionel Messin. Nga 900 golat, 769 janë shënuar në nivel klubi, ku pjesën më të madhe të tyre (450) ai i ka realizuar gjatë periudhës me Real Madridin, ndërsa pjesa tjetër me Manchester United, Juventus dhe Al Nassr.
Cristiano Ronaldo luan si sulmues për klubin saudit Al Nassr dhe kombëtaren portugeze. Ai është kapiten i të dy ekipeve. I konsideruar shpesh si lojtari më i mirë i botës dhe një nga më të mirët e të gjitha kohërave, Ronaldo ka fituar Topin e artë pesë herë, duke qënë lojtari evropian me më shumë trofe, si dhe i pari që ka fituar katër Këpuca të Arta Evropiane. Ai ka fituar 27 trofe në karrierën e tij, përfshirë pesë kampionate, pesë Liga Kampionesh si dhe një edicion të UEFA Kampionat Evropian. Një golashënues prolifik, Ronaldo mban rekordin si lojtari me më shumë gola të shënuar në pesë ligat kryesore të Evropës (412), në Ligën e Kampioneve (121), në UEFA Kampionatin Evropian (9), si dhe është rekordmen për numrin e asisteve në Ligën e Kampioneve (34) dhe UEFA Kampionatin Evropian (6). Ai ka shënuar më shumë se 690 gola me klube dhe kombëtare./ ZËRI
