SHBA- Pas aksidenteve të njëpasnjëshme me motoçikletë që para pak muajsh, Angelina Jolie ka marrë masa për të mbrojtur djalin e saj, Pax. Djali i madh i Joelie dhe Brad Pitt, duket se është i apasionuar pas shpejtësisë, por pasioni i ka vënë në rrezik edhe jetën e tij. Në maj 2024, Pax shkatërroi Teslën e tij në një aksident automobilistik, ndërsa dy muaj më vonë, në korrik, pati një aksident të rëndë me një biçikletë elektrike.
Pavarësisht këtyre incidenteve, djali 21-vjeçar i Jolie dhe Pitt duket se nuk i ka ndryshuar zakonet e tij, pasi në janar 2025 ai pati një tjetër aksident, aq sa u shtrua edhe në "kujdes intensiv". Tani, Angelina Jolie po merr masa drastike, duke i kërkuar djalit të saj të respektojë rregullat specifike të sigurisë përpara se të dalë në rrugë, përmes një kontrate detyruese.
Sipas një burimi të afërt me aktoren, Angelina Jolie mendoi se ishte e nevojshme të kishte një dokument që do të siguronte që Pax do t'i jepte përparësi sigurisë së tij.
"Do të doja që Pax t'i merrte këto aksidente si një paralajmërim dhe të hiqte dorë nga nevoja e tij për shpejtësi, por kjo është shumë e pamundur,"- tha burimi. Por pavarësisht kësaj, Angelina Jolie e ka detyruar djalin e saj që të nënshkruaj një kontratë për të mbajtur një helmetë në kokë.
I njëjti burim shtoi se Jolie fillimisht nuk shihte asgjë shqetësuese për dashurinë e djalit të saj për shpejtësinë, por tani është penduar që e inkurajoi atë, qoftë edhe në mënyrë indirekte.
"Çfarë mund të bëjë ajo? Ai është një i rritur dhe nuk mund të ndalohet që të ngasë biçikletën e tij elektrike,"-shtoi i njëjti burim. Edhe pse nuk mund ta pengojë Pax-in të vazhdojë zakonet e tij të rrezikshme, aktorja arriti ta bindë atë të marrë masa për sigurinë e tij. Siç zbuloi i njëjti burim për "In Touch", Jolie e bindi atë të merrte mësime shtesë për drejtimin e mjeteve të ndryshme dhe po ashtu që të mbajë gjithmonë një helmetë në kokë./ZËRI
