Qytetërim

Kupa e Kampioneve CONCACAF me prozhektorët nga Leo Mesi

Kupa e Kampioneve CONCACAF i ka tashmë të qarta çerekfinalet e saj

Redaksia Zëri
Kupa e Kampioneve CONCACAF me prozhektorët nga Leo Mesi
Lionel Mesi

XHAMAJKË–Lionel Mesi dhe Inter Majemi i tij nuk po falin asnjë centimetër të asaj që është ekuivalentja e Ligës së Kampionëve të Evropës, për Amerikën Veriore, Qendrore dhe të Karaibeve. Lionel Mesi shënoi dje golin e tretë në tre ndeshje radhazi. Kavaljeri i Xhamajkës (Cavalier FC) ripërsëriti vetveten dje për nga pafuqia: u dorëzua me rezultatin 2-0, përballë një dominimi absolut të takimit nga fanellat rozë të Majemit.

2-0 ishte dorëzuar edhe në ndeshjen e parë të gjashtëmbëdhjetëshes. I pari që shënoi nga pika e penalltisë ishte Luis Suarezi në minutën e tridhjetë e shtatë. Leo Mesi e nisi ndeshjen nga stoli, por në fundin e takimit la shenjën e tij në golin e dytë. Leo Mesi kishte shënuar nga një gol edhe në ndeshjen e raundit të parë ndaj Kansas Sitit, në dy fitoret 0-1 dhe 3-1 të skuadrës së tij.

Kupa e Kampioneve CONCACAF i ka tashmë të qarta çerekfinalet e saj: Los Anxheles Galaksija do të ndeshet me Tigresin, Klub Amerika me Kruz Azulin, Vankuveri me Pumasin, FC Los Anxhelesi me Interin e Majemit.

Listën e golashënuesve të turneut deri më tani e udhëheq Angel Sepulvelda i Kruz Azulit, me 4 gola, 1 më shumë se sa Mesi dhe Suarez, dyshja legjendare e skuadrës së Dejvid Bekamit. Ndër asistues, në listën e kryesuesve gjendet edhe emri i Serxhi Buskets, të Majemit./ZËRI

Poll

MOS HUMB