BUENOS AIRES- Ekipi mjekësor i Maradonës doli dje përpara gjyqit për akuzat e neglizhencës që shkaktoi vdekjen e yllit të futbollit. Të pandehurit janë psikiatrja, psikologu, mjeku, infermieri, shefi i infermierëve dhe një mjek klinik i skuadrës mjekësore të Diego Armando Maradonës.
Të shtatë punonjësit mjekësorë janë akuzuar për neglizhencë me pasojë vdekjen e Diego Armandos. Nëse akuzat vërtetohen, ata rrezikojnë nga 8 deri në 25 vjet burg. Stafi mjekësor i gjeniut të futbollit, tanimë përpara drejtësisë, i mohoi akuzat.
Legjenda e Futbollit ndërroi jetë në vitin 2020. Ndërsa po rikuperohej nga një operacion në tru, pas një mpiksjeje gjaku, më 25 nëntor 2020 ai pësoi atak kardiak. Diego Maradona për dekada luftonte me varësinë nga kokaina dhe alkooli. Familjarët e Maradonës ishin të pranishëm në seancë, përkatësisht vajzat e tij Dalma dhe Giannina, ish-partnerja e tij Veronica Ojeda dhe vajza tjetër, Jana.
Pala mbrojtëse ngriti pretendimin se vdekja e Maradonës ishte pasojë e një arresti kardiak të paparashikueshëm, ndërsa trajtimi në kushte shtëpiake ishte dakordësuar me familjarë të tij. Seancat gjyqësore pritet të zgjasin deri në korrik./ZËRI
