TIRANË- Kryeministri Edi Rama është shprehur se platforma “Tik Tok” është e ndarë në dy pjesë, duke parë vendet se ku përdoret. Sipas tij, në Kinë, ku është edhe vendi ku kjo platformë ka rrënjët, në “Tik Tok” promovon natyrën. Ndërsa jashtë këtij vendi, promovohet vetëm krim, rrugaçëri, thika e bullizim.
“TikTok është një kompani që i ka rrënjët në Kinë, por po të shikosh Tik-Tok në Kinë dhe jashtë Kinës janë dy “Tik Tok” të ndryshëm. “Tik Tok” në Kinë promovon se si ruhet natyra,se si nxënësit të bëjnë mirë mësimet, etj, etj. Rrugaçëri, perversiteti, dhunë, bullizëm, krim, thika, presa, shpata, revole, euro e dollarë, nuk sheh në “Tik Tok”-un e Kinës. Ndërsa në “Tik Tok”-un jashtë kinës vetëm llum dhe qenëri, çfarë na duhet ne kjo,”- tha kreu i qeverisë.
Sot qeveria shqiptare ka marrë vendimin për mbylljen e platformës së “Tik Tok” në Shhqipëri. Lajmin e bëri me dije vetë kryeministrin Edi Rama, në fjalën që mbajti pas një mbledhjeje të gjatë me prindër e mësues. Mbylljae “Tik Tok”, erdhi pas vrasjes së Martin Canit, 14-vjeçarit që u qëllua me thikë nga bashkëmoshatari i tij, Mario Përlleshi, i cili është arrestuar.
