TIRANË- Një ditë para protestës, Edi Paloka është shprehur se për grupimin e Rithemelimit edhe një mënyrë për të parë se ku ndodhen me mbështetjen e qytetarëve. Paloka në “Debat” nga Alba Alishani tha se nëse reagimi i qytetarëve shqiptarë nuk do të jetë i konsiderueshëm, “Rithemelimi” do të duhet të ndërmarrë, akte më të forta.
'Nesër do të shohim realisht nëse do të kemi mbështetjen aq sa presim të shqiptarëve, do të kemi një mënyrë reflektimi dhe veprimi. Nuk po them shifra, por duhet që shqiptarët ta tregojnë nesër që ne, shumica e shqiptarëve jemi kundër këtij regjimi. Prania e tregon këtë. Pak a shumë të dimë ku jemi, pas kaq vitesh që opozita ishte e përçarë, pas emigrimit masiv të shqiptarëve,” -tha Paloka.
Edi Paloka u shpreh po ashtu tejet i bindur se në zgjedhjet e ardhshme të përgjithshme, Edi Rama nuk do të dalë fitues.
“Nuk fiton Rama në 2025. Do vinë ata që do të kenë pëlqimin e qytetarëve. Kur te jenë të lirë, të votojnë kë të duan. Rama nuk do të jetë në pushtet pas 2025, këtë e them me siguri.Kujtojmë se opozita do të mbajë të martën në orën 17.30 opozita organizon protestën para kryeministrisë me moton “O sot, o kurrë”.-deklaroi Paloka.
Flamur Noka dhe Gazmend Bardhi kanë dalë së bashku në bazë pas bashkimit të grupit parlamentar. Kjo do të jetë e para protestë pa praninë fizike të Sali Berishën, i cili do t’i drejtohet protestuesve me një mesazh nga banesa e tij./ZËRI
