TIRANË – Presidenti i Republikës Bajram Begaj ka zhvilluar sot një pritje të trupit diplomatik të akredituar në Shqipëri. Të ftuar ishin ambasadorë të vendeve të huaja, por edhe politikanë, ministra dhe deputetë të majtë e të djathtë. Politikanët, edhe pse jo nga forca të njëjta politike, kanë trokitur gotat dhe kanë shtrëngur duart. Në fotot e publikuara nga LSA, politikanët që kanë qenë të ftuar kanë shkëmbyer një bisedë të shkurtër me Begajn.
Pritja nga presidenti është bërë në Pallatin e Brigadave. Në takim, përveç ministrave, ishte edhe kreu i PD-së Lulzim Basha, deputetja e Partisë së Lirisë Monika Kryemadhi, si dhe deputetët e Partisë Demokratike Tritan Shehu, Jorida Tabaku dhe Ervin Salianji.
Në këtë takim, presidenti i vendit Bajram Begaj foli për një sërë çështjesh. Ai foli edhe për dialogun mes Kosovës dhe Serbisë. Begaj deklaroi se zgjidhja e mosmarrëveshjeve ndërmjet Kosovës dhe Serbisë nuk është vetëm çështje politike, por edhe sigurie./ZËRI/
