TIRANË- Gjykata e Posaçme e Apelit ka shtyrë për më datë 24 janar, shqyrtimin e ankimit të Fredi Belerit, kundër vendimit që i refuzon atij lejen e posaçme për t’u betuar si kryebashkiak i Himarës.
Seanca në Apel ka dështuar, pasi përfaqësuesi ligjor i Drejtorisë së Përgjithshme të Burgjeve nuk ka qenë i pajisur me prokurë. Aktualisht, Beleri është duke u gjykuar në Gjykatën e Posaçme për akuzën e korrupsionit në zgjedhje dhe procesi ndodhet në fazën e pyetjes të dëshmitarëve të Prokurorisë.
SPAK e akuzon Belerin se ka dhuruar shuma parash, me qëllim që të fitojë vota për të qenë në krye të Bashkisë së Himarës, në zgjedhjet e 14 Majit. Në lidhje me këtë çështje ka reaguar edhe kryeministri Edi Rama, që ka deklaruar se e ka gjetur zgjidhjen për Bashkinë e Himarës. Sipas Ramës, zgjidhja për rastin bëhet duke ia ndërprerë qëndrimin në detyrë kandidatit humbës. “Zgjidhja mund të arrihet përmes dorëheqjes të kryetarit humbës ende në detyrë, Jorgo Goros”, tha Rama.
-
-
-
-
Fredi Beleri kërkon syzet: Më kanë çuar në Fier, si kam marrë dot
19 Dhjetor, 17:12 -
Fredi Beleri u arrestua ditën e zgjedhjeve të 14 majit. Ai akuzohet për shit-blerje votash./ZËRI/
