TIRANË- Kryeministri Edi Rama dhe ministri i Mbrojtjes, Ermal Nufi ishin sot të pranishëm në hapjen e Shkollës Kombëtare të Fluturimit, në Rinas.
Në fjalën e tij, Rama u ndal te zhvillimi i Forcave të Armatosura, duke theksuar se Shqipëria synon të kthehet në një qendër të rëndësishme rajonale për operimin dhe mirëmbajtjen e helikopterëve.
Kreu i qeverisë deklaroi se ushtarakët shqiptarë janë aktualisht më të mirëpaguarit në rajon.
“Shqipëria do të bëhet vendi më i spikatur i rajonit për vendin e helikopterëve. Sot, Forca e Armatosur është më e mirëpaguara në rajonin tonë dhe ambicia jonë është që, në rrugën tonë drejt BE-së, forcat tona të jenë në mesataren e forcave të NATO-s në kontributin e shtetit dhe të taksapaguesve për pagat e tyre”- tha Rama.
