TIRANË-Deputetja e Partisë Socialiste, Elisa Spiropali, ka reaguar me anë të një postimi në Facebook një ditë pas mbledhjes së grupit parlamentar, ku kryeministri Edi Rama deklaroi se brenda Partisë ka “shpirtra të humbur” që flasin për një Shqipëri të re.
Ish-minstrja e jashtme në postimin e saj thekson se do të ketë një Marrëveshje të re për Shqipërinë. Socialistja ka vijuar me kritikat, ku shkruan se PS-së i duhet të gjejë forcë, të mbledhë mendjen, të vetpastrohet, të bëhet më dinamike, më demokratike, më kompakte, për të mbetur gjithmonë e re, gjithmonë e pastër.
Elisa Spiropali: Po, do ta kemi Marrëveshjen e Re për Shqipërinë. Shqipërinë që duam të ndërtojmë, duhet ta bëjmë, dhe do ta bëjmë, më të hapur, më të drejtë, më meritokratike, më europiane. Për ta arritur këtë, Partisë Socialiste i duhet të gjejë forcat, të mbledhë mendjen, të vetëpastrohet, të bëhet më dinamike, më demokratike, më kompakte, për të mbetur gjithmonë e re, gjithmonë e pastër, pa smërçe, pa ndryshqe, pa pehlivanllëqe. Ta bëjmë Marëveshjen e Re të madhe, të thellë, të vërtetë, duke pasur parasysh, se po nuk lartësuam veten, nuk mund ta përmirësojmë vendin.
