TIRANË-Sekretari i Përgjithshëm i Bashkisë së Tiranës, Eldi Hoxha ka dhënë dorëheqjen. Pas largimit të tij, kryebashkiaku Erion Veliaj ka komanduar në postin e Sekretarit të Përgjithshëm Alban Dokushin. Lëvizjet në Bashkinë e Tiranës vijnë pas vendimit të Veliajt për të shkarkuar Anuela Ristanin, e cila ushtronte funksionet e kryetarit të bashkisë gjatë kohës që Veliaj ndodhet në paraburgim.
Dokushi më 21 Mars 2025 u shkarkua nga kryetarja e komanduar e bashkisë, Anuela Ristani. Lidhur me shkarikimin u shpreh edhe Gjykata Administrative, e cila u shpreh në vendim se largimi i tij ishte kryer në kundërshtim flagrant me ligjin, duke përbërë një shkelje të rëndë të standardeve ligjore dhe procedurale.
Alban Dokushi është një nga personat më të afërt të Veliajt, ndërsa ishte personi i parë që vizitoi kryebashkiakun në qelitë e paraburgimit tek Blloku i Sigurisë tek Mine Peza, pas arrestimit të tij më 10 Shkurt. Gjithashtu, Dokushi e ka shoqëruar Veliajn në SPAK edhe kur dëshmoi herën e parë, ndëra vetë u thirr po ashtu nga prokurorët në Mars të vitit të kaluar./ZËRI
