Masat e sigurisë së Berishës e Malltezit, Apeli i GJKKO shtyn vendimin
TIRANË- Nesër, Apeli i Gjykatës së Posaçme kundër Korrupsionit dhe Krimit të Organizuar do të japë vendimin për ankimimet e masave të sigurisë për dosjen Partizani. Vendimi do të merret nesër në orën 11.00. Pas përfundimit të seancës së sotme, e cila ka zgjatur për 7 orë, avokati i kryedemokratit Sali Berisha, Genc Gjokutaj dha një prononcim për mediat. Në fjalën e tij, Gjokutaj tha se edhe në seancën e sotme kanë paraqitur argumentet e se masat e sigurisë nuk janë qëndrojnë.
Edhe njëherë, i pyetur se pse nuk është paraqitur Berisha, avokati i tij tha se nuk do të respektojë një vendim anti-Kushtetues.
“Kemi që nga ora 9 në gjykatë dhe kemi paraqitur argumentet, që jo vetëm masat e sigurisë nuk qëndrojnë, por e gjithë çështja është farsë. Janë bërë shkelje kushtetuese në shkallë të Parë edhe Jamarbër Malltezi ishte vet prezent. Gjykata ishte në pamundësi për të dhënë vendimin. Seanca është shtyre për nesër në orën 11 për të shpallur vendimin. Të gjitha kërkesat që kemi bërë një shkallë të parë ia kemi kërkuar edhe gjykatës së Apelit për t’i konstatuar dhe për ta rivendosur këtë proces në shina. Malltezi, sot, shpjegoi gjithë procedurën e privatizimit, përfitimit të pronës dhe gjithë atë normalitet të procedurës. Si do e njoh vendimin nesër? Duhet të na komunikohet njëherë. Nuk e di pse nuk është paraqitur Berisha. Berisha nuk paraqitet karshi një vendimi anti-kushtetues. Është problem që mos ia drejtoni më mbrojtëse, sepse një vendim nominal i informuar nga ne mbi anti-kushtetuetshmërinë. A do jetë nesër Berisha për vendimin? *u drejtohet gazetarëve Po u jap numrin dhe flisni me të,"-tha Gjokutaj.
Jamarbër Malltezi u vu në pranga më 21 shtator, në aeroportin e Rinasit, pasi SPAK kishte lëshuar urdhër arresti ndaj tij. Ai akuzohet nga Prokuroria e Posaçme Kundër Korrupsionit dhe Krimit të Organizuar për “Korrupsion pasiv” dhe “Pastrim parash” në lidhje me dosjen “Partizani”. Sipas akuzës, Malltezi ka shfrytëzuar postin e vjehrrit të tij, Sali Berisha, atëherë kryeministër për të marrë pronat në ish-kompleksin sportiv “Partizani”.
Ndërkohë pas vendimit për arrestimin e tij, GJKKO ka vendosur sekuestro preventive për disa pasuri në emrin e tij, mes tyre dhe vila në zonën e Gjirit të Lalzit. Nën hetim për këtë dosje janë dhe kreu i PD-së Sali Berisha dhe biznesmeni Fatmir Bektashi. Të dy nën masën e sigurisë të “Detyrimit të paraqitjes”.
Klubi sportiv “Partizani” ishte kompleksi më i rëndësishëm sportiv në pronësi të Ministrisë së Mbrojtjes por kaloi në "duart" e dhëndrit Jamarbër Malltezi. Ky i fundit si trashëgimtar i 140 m2 tokë, arriti të merrte 35 % të sipërfaqes falë një marrëveshje suksesi me trashëgimtarët e tjerë. Si përfundim, qendra më të madhe sportive, me përmasa 26.000 metra katrorë, u pagua vetëm 14.000 euro./Zëri.ai
‘Partizani’, Fatmir Bektashi sërish në SPAK, hesht sërish para mediave
TIRANË- Ndërtuesi Fatmir Bektashi është paraqitur sërish sot në ambientet e Strukturës së Posaçme kundër Korrupsionit dhe Krimit të Organizuar. Sot, është hera e dytë që Bektashi është paraqitur në SPAK, por sërish ka refuzuar që të mos flasë për mediat. Ndërkohë që ndërtuesi ka shkuar për të përmbushur detyrimin e tij ndaj masës që i është caktuar "detyrim paraqitje", por ndryshe nga Bektashi, sërish sot, kryedemokrati Sali Berisha ka vendosur që të mos paraqitet para OPGJ-së.
Bektashi akuzohet për “korrupsion aktiv” në kuadër të dosjes për privatizimin e ish-klubit “Partizani”. Ndaj Bektashit është caktuar masa “detyrim paraqitje” dhe bllokim i pasaportës. Gjithashtu e njëjta masë është vendosur edhe për ish-kryeministrin Sali Berisha. Ky i fundit ka vendosur që të mos paraqitet në GJKKO, pasi sipas tij masa e sigurisë është në shkelje të Kushtetutës. Në lidhje me privatizimin e ish-kompleksit “Partizani” ndodhet në qeli dhëndri i Sali Berishës, Jamarbër Malltezi, i cili u arrestua më 21 tetor në aeroportin e Rinasit./Zëri.ai
Avokatët e Berishës mbërrijnë në apelin e GJKKO, kërkojnë heqjen e masës së sigurisë
TIRANË- Avokatët e ish-kryeministrit Sali Berisha kanë mbërritur në GJKKO, ku do të mbahet sot seanca për apelimin e masës së sigurisë ‘detyrim paraqitje’ dhe ndalim për të dalë jashtë vendit. Ilirjana Olldashi është gjyqtarja që do të shqyrtojë kërkesën e Berishës dhe dhëndrit të tij Jamarbër Malltezi.
Një orë më vonë Berisha duhet të paraqitet përpara oficeres së SPAK Adelajda Metaj, duke iu referuar vendimit të GJKKO-së. Vetë lideri i demokratëve ka zgjedhur që të mos përballet me drejtësinë, me arsyetimin se masa e sigurisë ndaj tij është antikushtetuese.
Në rast të mosparaqitjes së Berishës për herë të dytë para policisë gjyqësore, SPAK mund të kërkojë një masë më të rreptë sigurie si ajo e "arrest shtëpie" për ish-kryeministrin, e për këtë do të duhej që t’i drejtohej Kuvendit, për heqjen e imunitetit. Vetë Berisha është shprehur se në rast se kërkesa do të drejtohej në Kuvend, vetë ai do të shprehej pro heqjes së imunitetit.
Vetë Berisha i pyetur nga gazetarët nëse do të shkojë në Prokurorinë e Posaçme për të zbatuar masën e sigurisë së vendosur ndaj tij për dosjen “Partizani”, tha se nuk do të zbatojë kurrë urdhrat e Edi Ramës.
Ai u ndal te prokurori i çështjes “Partizani”, ish-kreu i SPAK Arben Kraja, duke e akuzuar si ish-oficer të Sigurimit të Shtetit, i cili sipas Berishës duhet të qëndronte larg organeve të drjetësisë.
“Sot unë jam paraqitur në Parlament, Nuk mund të pranoj kurrë përvetësimin që i bën parlamentit Edi Rama. Ai është një urdhër i Edi Ramës, i lëshuar nëpërmjet mercenarëve të inkriminuar siç është Arben Kraja, i cili qëndron në detyrë në shkelje të Kushtetutës dhe ligjit të Prokurorisë, që e nxjerr jashtë si ish-oficer sigurimi”, tha Berisha.
Berisha po ashtu akuzoi gjyqtaren Irena Gjoka, e cila ka dhënë vendimin për “detyrim paraqitje” dhe për t’i ndaluar daljen nga territori shqiptar, si person që zbaton urdhrat e ministrit të Brendshëm, Taulant Balla.
“Ua u tregova unë dokumentin e asaj që fshihet prapa krimit, Irena Gjoka dhe së fundmi njeriu me lidhjet më obskure me Taulant Ballën. Ata janë shërbëtorë të mjerë, të cilët zbatojnë urdhra të Edi Ramës, ndërkohë që marrin pushtetin në Parlament. Edi Rama nuk njeh ligje as moral. Unë nuk ka diskutim që ja them dhe do t’ia them: Mos ia mbath. Beteja është pa kthim”, deklaroi ish-kryeministri.
/Zëri.ai
