Vrasja e studentes shqiptare! Gjendet thika me të cilën dyshohet se ka kryer krimin 23-vjeçari
ITALI-Një thikë, e cila dyshohet se është përdorur për të vrarë studenten shqiptare Ilaria Sula, dhe disa njolla gjaku janë gjetur nga policia mjeko-ligjore gjatë kontrollit të banesës së Mark Samson në Romë. Ndërkohë vetë 23-vjeçari deklaroi se e kishte hedhur thikën në një kazan plehrash.
Oficerët kanë marrë disa prova të cilat do të analizohen. Ndërkohë, pritet që hetuesit të bëjnë edhe një kontroll tjetër në banesë. Kontrolle do të kryhen edhe në makinën me të cilën 23-vjeçari dyshohet se ka transportuar trupin e vajzës nga Roma në zonën e pyllëzuar ku u gjet.
Prej një jave e zhdukur, 22-vjeçarja Ilaria Sula u gjet e vrarë. Trupi i pajetë u gjet në një valixhe të hedhur në humnerë në një zonë të pyllëzuar në Poli. Shqiptarja u vra nga ish-i dashuri i saj filipinas, Mark Samson, i cili ndodhet në qeli. Hetuesit arritën të zbulonin se në ditët pas zhdukjes së vajzës, 23-vjeçari filipinas kishte vazhduar të përdorte telefonin e saj dhe bënte postime nga profilet e Ilarias në mediat sociale për të fshirë dyshimet./ZËRI
Vrasja e Ilaria Sulës/ Misteri roli i prindërve të filipinasit, autori pas krimit shkoi te dentisti: Ishte i buzëqeshur
ITALI-Shumë pikëpyetje janë ngritur nga rrëfimi i 23-vjeçarit, Mark Samson i akuzuar për vrasjen e 22-vjeçares shqiptare, Ilaria Sula. Ende nuk është gjetur arma e krimit, nuk dihet dita kur filipinasi të ketë vrarë 22-vjeçaren dhe as roli i prindërve të autorit. Ajo që dihet është se Mark Samson, pas krimit vendosi të vazhdojë jetën normalisht, madje nuk ka munguar as tek takimet me dentistin.
Dentisti Giovanni Spano, i cili po i trajtonte të dy, tha se 22-vjeçaren shqiptare nuk e kishte parë prej kohësh, ndërsa autorin e kishte takuar të hënën e 31 marsit. Por të hënën Ilaria ishte tashmë e vdekur, trupi i saj i fshehur në luginë.
"Ishte i buzëqeshur dhe i sjellshëm, si gjithmonë", -u shpreh dentisti, raporton Coriere della Sera.
Roli i prindërve
Disa goditje, ndoshta të dhëna një mbrëmje javën e kaluar. Nuk ka gjasa që babai dhe nëna, Rik dhe Nosr, të mos e kenë vënë re: ata rrezikojnë të akuzohen për bashkëpunim në vrasje. Ai, nga ana tjetër, ndodhet tashmë në Regina Coeli (edhe për fshehje kufome) pasi ka rrëfyer vrasjen në komisariat para prokurorëve. Pa shpjeguar motivin, thjesht duke thënë: “Më fal”. Dyshohet se dikush mund ta ketë ndihmuar që të zhdukte trupin e 22-vjeçares nga Terni, studente në Fakultetin e Statistikave në Universitetin Sapienza. Për ta zbuluar, do të ekzaminohen të dhënat telefonike dhe pamjet nga kamerat.
Analiza e qelizave GPS
Në Romë, Ilaria jetonte me vajza të tjera në një apartament në Via Tiburtina, në lagjen San Lorenzo. Ata ishin të parat që u shqetësuan kur në mbrëmjen e 25 marsit ajo nuk u kthye në shtëpi. “Telefoni i saj celular ishte i fikur”, thanë ata.
Madje, për disa ditë, celulari i vajzës ka vazhduar të funksionojë, edhe pse profilet e saj sociale, pas disa story të postuara në Instagram, janë mbyllur. Siç pranoi në rrëfimin e saj, personi që përdorte pajisjen ishte ish i dashuri i saj, i kapur nga analizat e qelizave GPS, i cili u dërgonte mesazhe të afërmve dhe miqve të së resë për të fshehur atë që kishte bërë. “Mos u shqetëso, unë jam larguar. Do të kthehem së shpejti.” Pastaj heshtje.
Një rrëfim plot hije
Zhurma në rrjetet sociale filloi të shtunën e kaluar pasi prindërit e raportuan atë të zhdukur. Marku gjithashtu dukej i shqetësuar, një tjetër inskenim. Në fund, ato mesazhe false zgjuan dyshimet e detektivëve që pardje shkuan për të pyetur 23-vjeçarin. Ai u dorëzua disa orë më vonë. Gjatë natës ai gjeti trupin e gjetur nga zjarrfikësit, më pas tha se i kishte hedhur celularin Ilarias në një pusetë dhe thikën në një kazan. Por ka ende hije mbi historinë e tij. Dhe zemërimi. “Vdekja e Ilaria është një plagë e tmerrshme për të gjithë qytetin,” komentoi kryebashkiaku i Romës Roberto Gualtieri, “ne nuk duhet të qëndrojmë indiferentë përballë një femicidi tjetër të papranueshëm”.
Prej një jave e zhdukur, 22-vjeçarja Ilaria Sula u gjet e vrarë. Trupi i pajetë u gjet në një valixhe të hedhur në humnerë në një zonë të pyllëzuar në Poli. Shqiptarja u vra nga ish-i dashuri i saj filipinas, Mark Samson, i cili ndodhet në qeli. Hetuesit arritën të zbulonin se në ditët pas zhdukjes së vajzës, 23-vjeçari filipinas kishte vazhduar të përdorte telefonin e saj dhe bënte postime nga profilet e Ilarias në mediat sociale për të fshirë dyshimet./ZËRI
“Pse e bëri?"/ Pikëpyetjet pa përgjigje për vrasjen e Ilaria Sulës, i ati: Vrasësi më përqafoi
ITALI- Vrasja e Ilaria Sulës është ende duke u hetuar, pasi prokurorët duan të kuptojnë nëse Mark Samson u ndihmua nga prindërit e tij për të ekzekutuar shqiptaren. Sipas mediave italiane, babai i shqiptares, Flamur Sula në një intervistë të gjatë për «Chi l'ha visto» tregoi se kishte kaluar gjithë jetën për të edukuar dhe rritur fëmijët e tij. Ai rrëfen paturpësitë e përqafimit të ishit të vajzës, i cili edhe pse i mori jetën të bijës në sallën e Komisariatit e përqafoi.
"Marku më përqafoi në komisariat,"-tregon i ati për mediat italiane. Ndërsa shtoi se i riu teksa e përqafonte edhe i fliste.
"Më tha se i vinte keq, mendoja se po më ngushëllonte. Hera e fundit që dëgjuam nga Ilaria ishte të martën kur ajo na tha se do të vinte në shtëpi të shtunën. Ajo jetonte me miqtë në Romë, ku edhe ndiqte universitetin. Ajo ishte telefonata e fundit. Pas asaj të shtune morëm mesazhe nga celulari i saj.
"Vajza ime më shkruante: "Përshëndetje babi, mos u shqetëso. Unë jam mirë. Do të kthehem në Terni pas një muaji. Dhe pastaj më përsëriste: Mos u shqetëso, unë jam mirë. Më pas, të dielën takuam të dashurin e vajzës sime në komisariat, nuk e dinim se ishin ndarë, ai na tha se ishte i shqetësuar për zhdukjen e vajzës,"-tregoi Flamur Hoxha.
Nga ana tjetër, Zeny Samson, babai i të riut që ka kryer vrasjen është marrë në pyetje dhe ka ende shumë për të shpjeguar. Në fakt, ka shumë pyetje pa përgjigje: kush e ndihmoi Markun të fshehë trupin? Kush i dha një valixhe? A është e mundur që ai vetë ta ketë ngritur valixhen në makinë? Kush e pastroi banesën?
Vetë, vrasësi thotë se është penduar.
"Më vjen keq për atë që kam bërë,"- tha Samson gjatë marrjes në pyetje, gjatë së cilës ai nuk dha detaje për motivin, ditën kur ndodhi vrasja apo fazat që çuan në vrasjen.
Leon Sula, vëllai i Ilarias, pranon se as ai nuk e di dhe nuk e kupton motivin.
“Pse e bëri? Vetëm ai e di...,"- përsërit ai.
Samson e dinte që Ilaria donte të studionte. Dhe ai e dinte që ndarja mes tyre ishte përfundimtare. 22 vjeç, larg shtëpisë, Ilaria donte të diplomohej. Ajo planifikoi një të ardhme më të mirë për veten sesa ajo e të atit dhe nënës së saj./ZËRI
Vrasja e Ilaria Sulës, gjurmë gjaku në shtëpinë e të dashurit. Po hetohen ende prindërit
Ndarja nga i dashur i kushtoi jetën! Çfarë dihet për vrasjen e shqiptares Ilaria Sula në Itali
ITALI-Një filmi horror i ngjan vrasja e Ilaria Sulës, studentes shqiptare e cila u gjet e pa jetë brenda një valixheje në një zonë të pyllëzuar në Poli, Itali. E reja shqiptare u masakrua me thikë për vdekje nga i dashuri i saj, 23-vjeçari Mark Samson, i cili akuzohet për vrasje me dashje dhe fshehje të kufomës.
Një javë e 'zhdukur'
Prej një jave nuk kishte asnjë lajm për Ilaria Sulën, 22-vjeçaren shqiptare, e cila ishte studente në Fakultetin e Statistikave në Universitetin Sapienza. Celulari i saj ishte i fikur dhe kjo ngriti alarmin tek familjarët e miqtë për gjetjen e saj. Nisur nga e shtuna e datës 29 mars, Ilaria nuk i përgjigjej më askujt, ndaj edhe shoqet e dhomës dhe familja kërkuan ndihmë nga Policia. Ajo kishte shkëmbyer disa mesazhe në Whatsapp me to, por në fakt në bisedë nuk do të ishte Sula, por autori që i kishte marrë jetën. Pas një jave kërkimesh, 22-vjeçarja fatkeqësisht u gjet e vdekur.
Si u fsheh krimi?
Tabulatet dhe qelizat telefonike që tregonin vendndodhjen e një personi kur bën një telefonatë, ishin në mesin e elementëve që zunë në kurth ish të dashurin e studentes. Përmes analizimit të tyre, hetuesit arritën të zbulonin se në ditët pas zhdukjes së vajzës, 23-vjeçari filipinas kishte vazhduar të përdorte telefonin e saj dhe bënte postime nga profilet e Ilarias në mediat sociale për të fshirë dyshimet.
Ndarja që i kushtoi jetën
Dyshimet e para çuan policinë te i dashuri i saj, Mark Antony Samson, një student 23-vjeçar me origjinë nga Filipinet. Pas marrjes në pyetje, ai pranoi krimin, duke thënë se Ilaria kishte shkuar në shtëpinë e tij pasi ishte larguar nga apartamenti ku qëndronte me shoqet. Ajo i kishte bërë me dije se donte t’i jepte fund lidhjes së tyre dhe në inat e sipër, ai e kishte goditur disa herë me thikë, duke i marrë jetën. Pas kësaj, ai kishte futur trupin e saj në valixhe dhe me makinën e tij ishte drejtuar për në zonën pyjore të Polit, jashtë Romës dhe aty e kishte hedhur.
Dëshmia e autorit
“E qëllova me thikë dhe më pas trupin e saj e futa brenda një valixheje. Mora makinën time dhe u drejtova drejt zonës së Polit, aty ku e hodha valixhen në një shkëmb. U pendova. Kërkoj falje”, u shpreh Samson gjatë dëshmisë së tij.
Autori 23-vjeçar nuk ka treguar më shumë detaje rreth krimit dhe a ka patur bashkëpunëtore në për të fshehur kufomën e 22-vjeçares shqiptare. Ai nuk ka zbuluar ditën kur e ka kryer vrasjen apo dinamikën se çfarë ndodhi deri në momentin e sulmit. Përgjigjet në këtë pikë, pritet t’i japë analiza e kamerave të sigurisë në lagjen ku jetonte i riu bashkë me prindërit./ZËRI
