Përfundon takimi i Ramës me drejtuesit politikë, çfarë u diskutua
TIRANË- Pas 6 orësh ka përfunduar takimi i kryeministrit Edi Rama me ministrat, drejtuesit politik dhe deputetët e Partisë Socialiste në Pallatin e Brigadave. Mbledhja nisi në orën 14:00 dhe ka përfunduar rreth orës 20:00, ndërsa u zhvillua me dyer të mbyllura.
Mësohet se fokusi i këtij takimi kanë qeë zgjedhjet parlamentare të 11 majit, lista e kandidateve për deputetë, vota e diasporës dhe disa nga pikat kryesore të programit elektoral. Secili ministër ka raportuar se çfarë është realizuar deri më tani dhe objektivat deri në përfundim të mandatit të tretë qeverisës.
Gjatë këtij takimi, kryeministri u largua rreth orës 16:00, por u rikthye sërish pas 2 orësh. Kreu i qeverisë pritet të zhvillojë takim edhe nesër me ministrat, drejtuesit politik dhe deputetët. Bëhet me dije se diskutimet do të fokusohen për kandidatët për deputetë në zgjedhjet e 11 majit./ZËRI
U largua për 2 orë, Rama rikthehet sërish në takim me socialistët
TIRANË- Kryeministri Edi Rama ka nisur sot një takim me përfaqësuesit e lartë të Partisë Socialiste në Pallatin e Brigadave. Takimi me ministrat dhe drejtuesit politikë nisi rreth orës 14:00. Rama e la mbledhjen rreth orës 16:00, por është rikthyer sërish. Ende nuk dihet se përse kryeministri ka vendosur që të rikthehet dhe çfarë po diskutojnë.
Agjenda e këtij takimi ishin zgjedhjet e 11 majit, lista e kandidateve për deputetë, vota e diasporës dhe disa nga pikat kryesore të programit elektoral. Një tjetër pikë e rëndësishme për Partinë Socialiste është edhe përmbyllja e listës së kandidatëve për 12 qarqet, e cila duhet të dorëzohet në Komisionin Qendror të Zgjedhjeve brenda 12 Marsit.
Takimi po zhvillohet me dyer të mbyllura, ndërsa parashikohet të përfundojë në orën 18:00./ZËRI
Lëvizjet para zgjedhjeve! 4 kryebashkiakë të PS-së do të lënë mandatin për të garuar për deputetë
TIRANË-Lëvizjet brenda partive politike kanë filluar teksa dy muaj na ndajnë nga zgjedhjet. Gazetarja e politikës Esiona Konomi e ftuar në “Top Story” zbuloi 4 emrat e kryebashkiakëve të PS që pritet të lënë mandatin e kryetarit të bashkisë për të garuar në zgjedhje për deputetë.
Sipas saj, ata janë: Tërmet Peçi i Tepelenës, Majlinda Bufi e Rroskovecit, Ervin Demo i Beratit dhe Agron Malaj, kryebashkiak në Mat.
Ndërkohë sot kryeministri Edi Rama ka mbledhur qeverinë dhe kryesinë e PS, në fokus janë zgjedhjet e 11 Majit. Takimi me ministrat dhe grupin parlamentar do të mbahet edhe nesër. Kujtojmë se më 7 mars është afati për regjistrimin e koalicioneve ndërsa 12 mars dorëzohen kandidatët./ZËRI
Zgjedhjet e 11 Majit/ Rama mbledh qeverinë sot dhe nesër, në fokus vota e emigrantëve
TIRANË-Kryeministri Edi Rama do të mbledhë qeverinë, kryesine e PS-së dhe drejtuesit politik të qarqeve ditën e sotme. Mbledhja do të mbahet te Pallati i Brigadave në orën 14:00.
Zgjedhjet e 11 majit, lista e kandidateve për deputetë, vota e diasporës dhe disa nga pikat kryesore të programit elektoral, janë agjenda e takimit me dyer te mbyllura. Një tjetër pikë e rëndësishme për Partinë Socialiste është edhe përmbyllja e listës së kandidatëve për 12 qarqet, e cila duhet të dorëzohet në Komisionin Qendror të Zgjedhjeve brenda 12 Marsit./ZËRI
