“Për topa lekë ke vrarë njerëz”/ Sërish DEBATE, Petrit Qoli përplaset me Dumanin. "Pentito": Ke çuar një turk në fund të detit
TIRANË- Vazhdon përplasja mes Nuredin Dumanit dhe vëllezërve Qoli në seancën që po zhvillohet sot në Gjykatën e Posaçme kundër Korrupsionit dhe Krimit të Organizuar. Në vazhdën e rrëfimit që po bën në sallën e gjyqit, Dumani pretendon se Petrit Qoli është i përfshirë bashkë me të në shumë ngjarje kriminale, ndërsa ky i fundit i mohon akuzat e ngritura nga i penduari i drejtësisë. Më konkretisht, Petrit Qoli hedh poshtë pretendimet e Dumanit dhe e ka urdhëruar dhe paguar për të vrarë Fatmira Dedën, nënën e Ervis Dedës (gjithashtu i ekzekutuar). Madje në një moment i është drejtuar edhe trupës së hetuesëve duke ngritur dyshime mbi dëshmitë që ka dhënë bashkëpunëtori i tyre. Në seancë, Qoli nga zbuluar edhe një problem që Dumani ka me zemrën.
REPLIKAT NË GJYQ:
Dumani: Festim Qoli më premtoi 40 mijë euro, dhe po ashtu do të përfshihesha edhe në trafikun e kokainës. E dija që Petrit Qoli merrej me biznes. 30 mijë euro mi ka dhënë Petrit Qoli, disa ditë pas ngjarjes. 10 mije euro i mora paradhënje, nga Festim Qoli.
Petrit Qoli: Kush ishte dëshmitar i takimit tonë? Pas ngjarjes tek lokali, një dëshmitar të më gjejë dhe unë dua varje franceze në gijotinë.
Dumani: Ky ka ndërtuar xhami, por me hyp maj minares është rrezik se bie poshtë. Ky ka ndihmu njerëz, po ka ndihmu edhe një turk në 2014 të shkonte në fund të detit por s’ja di emrin atij turkut. Fatmira Deda që ditën 1 kur u vra Ervis Deda ose Losha, ajo bënte përgjegjës të dy vëllezrit Petrit dhe Festim Qoli, për vrasjen e djalit të saj.
Petrit Qoli: Kam 3 faqe hyrje kam, po nuk ju binda që jam i pafajshëm atëherë unë jam krijesa më e shpifur në gjithë tokën shqiptare.
*i drejtohet trupës së prokurorëve: Ditën kur ka dëshmu para jush, mos kanë qenë sëmurë, ka qenë konfuz, s’ka qenë në rregull. Në seancat e para sytë i shkëlqenin. Pse? Se shpëtove nga vdekja apo se fute ne burg njerëzit që urreje, cili nga këto versione është i vërteti? Ku ishe ti kur prisje SMS nga Agroni?
Dumani: Unë e kam sqaruar kam shkruar afër pallatit para se të më vinte SMS nga Agroni.
Petrit Qoli: Vetëm atë ditë të ka dërguar SMS?
Dumani: Jo, edhe herë të tjera.
Petrit Qoli: Pse ju ka dështuar plani?
Dumani: Nuk ka dështuar plani, thjesht s’kemi qenë gati.
Petrit Qoli: Unë jam kapiten, jam kapo, pse s’më ke kërku ndihmë ti mua? Kur dikush me detyrohet mua unë i nxjerr sytë. Pse nuk i tregon prokurorit që ke lindur me birë (vrimë) në zemër, ke lindur me defekt. Verifikojni e nderuar trup gjykues është operuar në Francë nga zemra. Ky e ka babën burrë me vlera fati i tij i keq, ti je i ndyrë, për ca topa letre ke vra njerëz./ZËRI
“Ai i lutej Zotit që të vriste ndonjë”, “O legen”- Nuredin Dumani debaton në GJKKO me Agron Qolin: Mos u fut në familje!
TIRANË- I penduari i drejtësisë, Nuredin Dumani akuzon Talo Çelën për vrasjen e Fatmira Dedës në vitin 2013. Në seancën që po mbahet sërish sot për dosjen "Plumbi i Artë", Dumani është përballur me Agron Qolin. Në sallën e gjyqit, i penduari i drejtësisë pretendon se planin për vrasjen e kishte bërë vetë me Festim Qolin, i cili akuzohet nga SPAK për vrasjen e ortakut të tij, 36-vjeçarit Elvis Deda në 5 qershor të vitin 2012 në Durrës si dhe për porositjen e vrasjes së nënës së tij. Ndërsa Agron Qoli, sipas Dumanit, ishte informatori për lëvizjet e gruas, pasi ajo jetonte në të njëjtin pallat me të.
Dumani: Ishte më e thjeshtë për ne se tek pallati ku jetonte viktima jetonte edhe Agroni, planin e kam bërë unë dhe Festimi. Idenë për Agronin e dha Festim Qoli, roli i Agron Qolit ishte informator. Fatmira Deda, i akuzonte dy vëllezërit për vrasjen e djalit, tek karburanti sa ishte Fatmira Deda gjallë aty nuk afrohej njeri pas vrasjes së saj, karburanti u nda nga dy vëllezërit Petrit dhe Festim Qoli.
Avokati Ilia Ilia: Në çfarë ore të ka ardh thirrja nga Agron Qoli?
Dumani: Unë kisha shkuar pak më përpara se të vinte mesazhi dhe isha pozicionuar në afërsi të pallatit. Mesazhi dhe kodi ishte “erdha”.
Agron Qoli: Për çfarë i duhesha unë kur ky po e runte vetë?
Dumani: Ku e dinte ky se ku isha unë? Unë isha me Talo Çelën aty, në vendin e ngjarjes. Ndeza makinën u drejtova për tek garazhi, u futa vetëm me makinë, Talo ka hyrë në këmbë. Garazhi i Fatmira Dedës ishte në hyrje djathtas i pari ose i parafundit. Kur kam hyrë me makinë pashë Talon që po e godiste atë të ndjerën, ajo tentoi të hynte brenda garazhit të saj, por qepeni ngeli i hapur se zonjës i ra qepeni në sup. Talo e tërhoqi dhe e godiste. E ndjera ka ngel me fytyrë nga shkallët dhe këmbët nga hyrja e garazhit. E gjitha ka zgjatur shumë pak.
Por pretendimet e Dumanit kanë sjellë përplasje me Agron Qolin, i cili pretenton se ditën e ngjarjes ka qenë në Fushë Krujë dhe se për ngjarjen ishte njoftuar nga një tjetër fqinj. Po sipas Agron Qolit, në moment që ka marrë vesh për ngjarjen ka kërkuar që të njoftohej menjëherë Policia e Shtetit. Por teksa bëhej sqarimi ka pasur edhe tone të ashpra mes dy palëve.
"Mes meje dhe Nuredin Dumanit ka një dallim të madh, ndërkohë që ky i lutej Zotit që të vriste ndonjë dhe te merrte ndonjë lekë. Unë i lutesha Zotit që të gjeja punë, të fitoja para për vetën familjen dhe lutesha të mos më lëndohej ndonjë punonjës në punë. Ditën e ngjarjes nuk kam pas lidhje fare me këto që thotë ky. Unë kam qenë në Fushë Krujë, kam qenë ulë për të ngrënë bukë. Më ka marrë komshiu im dhe më thotë që është shtrirë mamaja e Loshit në tokë ose e kanë vra ose ka vra veten, nuk e di. I kam thëne lajmëro Policinë. Kur jam futur në darkë në garazh, ishte gjithë gjak edhe qepeni nuk ka qenë ashtu siç e thotë ai,"-pretendon Agron Qoli.
Replikat në GJKKO:
Agron Qoli: A jeni i sigurt qe po tregoni të vërtetën e vrasjes së asaj nëne? Dikur keni thënë që jeni ju?
Nuredin Dumani: Kam thëne të vërtetën.
Agron Qoli: A je ul me mua për kafe?
Nuredin Dumani: Jo
Agron Qoli: Më ke parë mua më tek karburanti?
Nuredin Dumani: Kemi shkuar kur kemi marrë telefonat, por jemi takuar dhe herë të tjera…
Argon Qoli: Keni bërë 3 deklarime të ndryshme deri më tani, për punën e telefonave
Nuredin Dumani: Të vërtetën kam thënë…
Agron Qoli: Cila ka qenë arsyeja që unë kam dash' me të largu ty nga lagjia?!
Nuredin Dumani: S’ke bashkëpunuar me mua, por me kushërinjtë e tu.. Mos hyni në çështje familjare se do ju bëj me qa…
Pertit Qoli: Mos më fol mua ashtu, o legen…
Agron Qoli: Kush e mori babain e këtij nga shtëpia dhe e dërgoi tek lokali i Petrit Qolit për të kërkuar fjalë?
Nuredin Dumani: Ke ardhur disa herë ke thënë shpërnguluni prej këtu, sepse ishte nxehur festa shumë. Ne nuk ishim fajtorë dhe ti e di shumë mirë. Është turpi me i madh ti kërkoj falje unë Festim Qolit….
Agron Qoli: Babai yt erdhi me kokën me gungë?
Nuredin Dumani: Dmth e keni marrë peng? Ju me keni dhunuar babën mua, është vepër penale besoj e dini?
Agron Qoli: Unë kam qenë personi qe e kam dërguar babin e tij të kërkonte falje. Cili është motivi që më ke përfshirë mua në ketë histori?
Nuredin Dumani: Ke paguar edhe lekët e varrimit ti e di shumë mirë…
Agron Qoli: Cili ka qenë motivi që ke vënë tritol tek çuni i xhajës tat?
Nuredin Dumani: Tritoli është vendos dy ditë para se t'ja vendosim shtëpisë së Talo Çelës. E bëra për të tremb këto lepurushat për t’ju tregu se sot e vendoset për dy ditë, u hakmora.
Agron Qoli: Me nipat e mi, ke pas konflikte, për cilat arsye?
Nuredin Dumani: Nuk kam pas konflikte me ta. Njërin e njoh.
Agron Qoli: Deri më tani të kanë dalë 3 konflikte me mua.
Nuredin Dumani: Jo unë s’kam pas asgjë me ty ke qënë thjesht dërgues mesazhesh.
Agron Qoli: A ke dijeni ku punoja unë në atë kohë kur mendohet se ju kam ndihmuar?
Nuredin Dumani: Jo nuk kisha informacione.
Agron Qoli: Po për marrëdhëniet që ke pas me te ndjerën ke pas dijeni?
Nuredin Dumani: Ti ke shkuar në varrim, të mirat do t'i kesh pas, ti i ke paguar varrimin me lekët e Festim Qolit.
Agron Qoli: Mes meje dhe Nuredin Dumanit ka një dallim të madh, ndërkohë që ky i lutej Zotit që të vriste ndonjë dhe te merrte ndonjë lekë. Unë i lutesha Zotit që të gjeja punë, të fitoja para për vetën familjen dhe lutesha të mos më lëndohej ndonjë punonjës në punë. Ditën e ngjarjes nuk kam pas lidhje fare me këto që thotë ky. Unë kam qenë në Fushë Krujë, kam qenë ulë për të ngrënë bukë. Më ka marrë komshiu im dhe më thotë që është shtrirë mamaja e Loshit në tokë ose e kanë vra ose ka vra veten, nuk e di. I kam thëne lajmëro Policinë. Kur jam futur në darkë në garazh, ishte gjithë gjak edhe qepeni nuk ka qenë ashtu siç e thotë ai./ZËRI
“Do jua ha hallvën të gjithëve"/ Dumani përplaset sërish me Enver Divën
TIRANË- Sërish gjyq për "Plumbin e Artë"! Edhe në seancën e sotme që po zhvillohet në Gjykatën e Posaçme kundër Korrupsionit dhe Krimit të Organizuar ka pasur përplasje dhe debate mes të pandehurve dhe të penduarit të drejtësisë, Nuredin Dumanit. Teksa merrej në pyetje nga avokatët mbrojtës të personave që ka përmendur në dëshmitë e tij, Dumani është ndërprerë nga Enver Diva. Pikërisht në këtë moment, Dumani i ka bërë "presion", ndërsa ka marrë edhe përgjigjen nga Diva.
Nuredin Dumani: Do t'ju ha unë hallvën të gjithëve nuk mund të ma hani hallvën ju mua.
Enver Diva: Do ta shohim kush ia ha hallvën njëri-tjetrit. Pse gënjen?
Më tej, Dumani ka treguar sesi ka njohur Agron Qolin, të afërmin e Petrit Qolit, i cili akuzohet për vepren penale të vrasjes me paramendim dhe i përfshirë në dosjen “Plumbi i Artë”. I pyetur nga avokati i të akuzuarit Agron Qoli, Ilia Ilia, Dumani ka sqaruar se ai e njeh Agron Qolin që shumë herët, që nga viti 2001-2003 pasi kanë qenë fqinjë. Gjithashtu, ka treguar se edhe pse ishin të afërm, Petrit dhe Agron Qoli nuk kanë punuar ndonjëherë bashkë. Po ashtu, shtoi se nuk ka dijeni për ndonjë lidhje të ngushtë mes Agron Qolit dhe Festim Qolaj.
Avokati Ilia: Në ç’rrethana jeni njohur me Agron Qolin?
Dumani: E kam pasur komshi. Kemi qenë edhe miq. E njoh nga 2001-2003. Agroni në 2012 u largua në Durrës. Kemi pasur marrëdhënie shume të mira dhe hyrje-dalje familjare. Për një farë kohe unë kam punuar me Agronin në një pallat ku ai ishte teknik ndërtimi.
Avokati: Me kë punonte aty?
Dumani: Investitor ishte Enea Prifti. Unë kam punuar disa muaj aty.
Avokati: Cilat ishin marrëdhëniet mes Agron e Petrit Qolit?
Dumani: Ishin kushërinj. Petrit Qoli ishte ndërtues pallatesh, ndërsa Agroni teknik. Nuk di të kenë punuar bashkë.
Avokati: A shoqërohej Agroni me Festim Qolin?
Dumani: Po patjetër, çdo natë tek lokali i Festimit ishin.
Avokati: Kur je shoqëruar me Besnik Qolin, a ke diskutuar për marrëdhënien e tij me Agron Qolin.
Dumani: Ai fliste me respekt për të. E konsideronte njeri serioz./ZËRI
