U kanos nga "Ben Qimja", merret në mbrojtje gjyqtari i Fierit dhe familja e tij
FIER- Gjyqtari Vladimir Cjapi dhe familja e tij janë marrë në mbrojtje, pas kallëzimit të bërë nga magjistrati me pretendimin se ishte kërcënuar nga Arben Isufi, i njohur si “i forti i Fierit”. Ngjarja ka ndodhur më 12 shkurt, por kallëzimi në Policinë e Fierit është bërë 5 ditë më vonë. Pas marrjes së dënonimit, Policia e Fierit dhe forcat RENEA shkuan sot në banesën e Isufajt për të kapur këtë të fundit, por pa "fat".
Ndërkohë, gjyqtari dhe familja e tij janë marrë në mbrojtje deri në një moment të dytë.
DEKLARATË E DATËS 20 SHKURT 2025 E GJYKATËS SË SHKALLËS SË PARË E JURIDIKSIONIT TË PËRGJITHSHËM FIER
Duke marrë shkas nga informacioni paraprak i Policisë së Shtetit në ditën e sotme lidhur me sigurinë e jetës së magjistratit z. Vladimir Cjapi, me funksion gjyqtar në Gjykatën e Shkallës së Parë të Juridiksionit Fier, përcjellim me shqetësim të thellë këto akte që cënojnë jetën dhe sigurinë e gjyqtarit, familjes së tij, trupës dhe përbëjnë kërcnim serioz për gjithë sistemin e drejtësisë dhe shoqërinë shqiptare. Me kërkesë të zëvendëskryetarit të Gjykatës së Shkallës Parë të Juridiksionit të Përgjithshëm Fier, Noel Veizi, Këshilli për Mbrojtjen e Magjistratëve ka miratuar kërkesën për mbrojtjen e posaçme të gjyqtarit dhe familjarëve të tij. Shprehim bindjen se i gjithë opinioni publik ndodhet sot përkrah gjyqtarit dhe familjes së tij. Gjykata e Shkallës së Parë të Juridiksionit Fier dënon aktin kriminal dhe i kërkon orgatit të hetimit zbardhjen e ngjarjes dhe të nxjerrjen para përgjegjësisë ligjore personat e përfshirë. Gjykata e Shkallës së Parë të Juridiksionit Fier i shpreh mbështetjen e gjithë gjyqtarëve për të garantuar sigurinë e tyre në mënyrë që të ushtrojnë detyrën pa frikën e kërcënimeve pasi respektimi i funksionit dhe dinjitetit të tyre është parakusht për një proces të rregullt ligjor për një sistem drejtësie efektiv dhe efikas por edhe për funksionimin normal të shettit të së drejtës.
Sot gjatë kontrollove, vetë Isufajt nuk ka qenë në banesë, por në kuadër të kontrolleve, Policia ka sekuestruar një armë zjarri pistoletë, një palë targa të huaja, jelek multifunksional si i Policisë, dy pajisje DVR, gjashtë celularë dhe dokumenta të ndryshëm. Isufaj është shpallur në kërkim për dy vepra penale: “Kanosja e gjyqtarit” dhe “Prodhimi dhe mbajtja pa leje e armëve, armëve shpërthyese dhe municionit”./ZËRI
PAMJET- Policia mësyn në banesën e 'Ben Qimes', targa e jelek police, çfarë u gjet
FIER-Policia ka kryer kontroll ditën e sotme në banesën dhe makinat e Arben Isufajt i njohur si ‘Ben Qimja’, i cili ka kërcënuar gjyqtarin Vladimir Cjapi. Gjatë kontrollit janë sekuestruar një pistoletë ku ishin gdhendur inicialet e tij, “A.I.”, targa të huaja, jelekë policie, 6 celularë dhe dokumenta zyrtarë. “Ben Qimja” është shpallur në kërkim për armëmbajtje pa leje dhe po hetohet për një përpjekje për të korruptuar një gjyqtar.
View this post on Instagram
Njoftimi i policisë:
Veprime intensive hetimore dhe policore, mbi rastin e kanosjes së një gjyqtari të Gjykatës së Fierit, të kallëzuar prej gjyqtarit, në Prokurorinë e Fierit, më datë 17.02.2025. Kryhen kontrolle në ambiente dhe automjete, në pronësi të shtetasit të shpallur në kërkim si autor i këtij rasti. Gjenden dhe sekuestrohen: 1 armë zjarri pistoletë, 1 palë targa të huaja, jelek multifuksional si i Policisë, 2 pajisje DVR, 6 celularë dhe dokumenta zyrtarë.
Në vijim të veprimeve, shoqërohen në ambientet e Policisë, disa shtetas (me lidhje me shtetasin e shpallur në kërkim).
Në zbatim të vendimit të datës 19.02.2025, të Gjykatës së Fierit, Policia e Fierit dhe “RENEA” kanë kryer kontrolle në banesa, ambiente dhe automjete, në pronësi të shtetasit A. I., 55 vjeç, banues në lagjen "Sheq i Madh", i cili është kallëzuar në Prokurorinë e Fierit, nga një gjyqtar i Gjykatës së Fierit, për kanosje të kryer më datë 12.02.2025. 55-vjeçari është shpallur në kërkim për veprat penale “Kanosja e gjyqtarit” dhe "Prodhimi dhe mbajtja pa leje e armëve, armëve shpërthyese dhe municionit".
Me qëllim hetimin e plotë të rastit, Policia ka sekuestruar sende që do t’i shërbejnë hetimit, si dhe ka shoqëruar shtetas të lidhur me shtetasin A. I.. Policia e Fierit informon se po kryhen kontrolle intensive për kapjen e 55-vjeçarit, si dhe për dokumentimin e plotë ligjor të përgjegjësisë penale të tij, për këtë rast që ka cenuar për shkak të detyrës, një anëtar të Gjykatës së Fierit. Materialet procedurale shtesë i kaluan Prokurorisë së Fierit, për veprime të mëtejshme./ZËRI
Kërcënoi gjyqtarin Vladimir Cjapi, kontrollohet banesa e Arben Isufajt
TIRANË-Gjykata ka dhënë urdhër për kontrollin e banesave të Arben Isufajt, i njohur me nofkën “Ben Qimja”, pas akuzave të ngritura ndaj tij për kanosje me jetë të gjyqtarit Vladimir Cjapi. Gjyqtari është kërcënuar nga 55 vjeçari më 12 shkurt të vitit 2025 dhe pak ditë më vonë në datën 17 shkurt është bërë kallëzimi nga ana e gjyqtarit. Sipas policisë, 55-vjeçari është shpallur në kërkim për veprat penale “Kanosja e gjyqtarit” dhe "Prodhimi dhe mbajtja pa leje e armëve, armëve shpërthyese dhe municionit".
Isufaj është i njohur për aktivitetet e tij të paligjshme, përfshirë trafikun e drogës dhe veprimtari të tjera kriminale. Kujtojmë se Isufajt i janë konfiskuar në tetor të 2023, 1 ndërtesë, 1 truall, një dyqan dhe një makinë, ndërkohë që emri i tij ka dalë në skenë gjatë Operacionit Forca e Ligjit (OFL).
Hetimi pasuror për Ben Qimen nisi në Maj të 2021 nga Prokuroria e Posaçme, e cila në kuadër të ligjit anti-mafia, i sekuestroi atij fillimisht 13 pasuri. Arben Isufaj ishte edhe subjekt i Operacionit Forca e Ligjit dhe iu kërkua të justifikonte pasurinë edhe në vitin 2020. Sipas autoriteteve ai është person i përfshirë në çështje të trafikut të drogës si pjesë grupeve kriminale. Për të njëjtën akuzë ai u arrestua dhe në 2014 për llogari të drejtësisë italiane./ZËRI
