TIRANË-Tregu i pasurive të paluajtshme në Shqipëri në vitin 2026 është ende në rritje, por pjesa e lehtë e bumit tani është pas blerësve. Sipas një studimi të Investropa, në vitin 2026, shumica e pronave të banimit në vend vlerësohet të shiten rreth 3% deri në 7% më lirë se çmimi fillestar i kërkuar, duke e bërë negocimin një pjesë të rëndësishme të procesit të blerjes së një banese.
Në studim vlerësohet se më pak se 10% e shitjeve të pronave në Shqipëri mbyllen mbi çmimin e kërkuar, ndërsa rreth 90% e shitjeve realizohen në çmimin e kërkuar ose nën të. Një pronë e nxjerrë në treg me një çmim të caktuar mund të përfundojë në një vlerë më të ulët pas negociatave, veçanërisht kur shitësi kërkon ta realizojë transaksionin brenda një afati të shkurtër ose kur prona nuk ka marrë interesin e pritshëm nga tregu.
Sipas studimit, shitjet mbi çmimin e kërkuar në vitin 2026 priren të jenë më të mundshme për apartamentet me pamje nga deti në destinacione si Saranda, Himara, Dhërmiu dhe zona e Lungomares në Vlorë. Në këto tregje, oferta për prona me pozicion, pamje dhe karakteristika të veçanta është më e kufizuar, ndërsa interesi nga blerësit mund të jetë më i lartë.
Në Shqipëri, çmimet shpesh rriten me rreth 5% deri në 15% pas një njoftimi të besueshëm për infrastrukturën, por fitimi më i madh zakonisht vjen vetëm kur qasja, fluturimet, rrugët ose shërbimet përmirësohen realisht. Negociatat për blerësit, nënkuptojnë se çmimi i publikuar në një njoftim duhet parë si pikënisje e bisedimeve dhe jo domosdoshmërisht si vlera përfundimtare e pronës./ZËRI
