BEOGRAD- Presidenti i Republikës së Serbisë, Aleksandër Vuçiç ka paralajmëruar se nuk do të ketë qeveri transitore, në rast zgjedhjesh të parakohshme. Në një intervistë të dhënë për mediat serbe, Vuçiç ka shpjeguar se i ka dërguar nga një letër secilit prej deputetëve dhe po pret përfundimin e konsultimeve. Por shtoi se nuk ka "humor" për një qeveri tranzitore. Sipas tij, qeveria zgjidhet vetëm nga qytetarët serbë dhe nga askush tjetër.
"Pres të mësoj nëse njerëzit e SNS-së duan të formojnë qeveri, apo duan zgjedhje të reja. Ajo që është e sigurt është se në SNS nuk ka humor për një qeveri tranzicionale. Do të ketë një qeveri që e duan qytetarët e Serbisë. Ndjehuni të qetë, nuk do të ketë qeveri si të duan ata (për opozitën), pra do të ketë një qeveri siç duan qytetarët e Serbisë, ose më mirë shumica e njerëzve në këtë vend. Ata nuk duhet të shqetësohen shumë, për të mos humbur kohë. Ata nuk duhet të shqetësohen nga opozita,"-tha Vuçiç.
Pasi protestat për të vrarët në stacionin e trendit u përhapën në të gjithë vendin, Milosh Vuçeviç dha dorëheqjen nga posti i kryeminisitrit, ç'ka detyron partinë e Vuçiç që të formojë një qeveri të re.
Vuçiç mesa duket nuk do ta dëgjojë këtë kërkesën e fundit të kundërshtarëve parlamentarë, pasi sic thotë duhet ta bindin se kanë votat e mjaftueshme për të formuar një qeveri. Opozita parlamentare serbe, propozoi javën e kaluar krijimin e një qeverie tranzicioni me mandat 9-mujor e cila do të përgatisë vendin për zgjedhje të besueshme./ZËRI
