HONG KONG- Kinezët e pritën me madhështi Vitin e Ri, ku miliona qytetarë që dolën në rrugë për të festuar “Vitin e Dragoit”. Viti i Ri Kinez nuk ka një datë fikse sepse kalendari kinez është hënor. Edhe fishekzjarrët kanë vendin e tyre sepse sipas traditës kineze largojnë demonët dhe shpirtrat e këqij. E kuqja është ngjyra dominuese pasi simbolizon zjarrin, i cili largon fatin e keq.
Përveç ngrënies së ushqimit të mbarë dhe dhënies/marrjes së bekimeve, Viti i Ri Hënor – i cili ra më 10 shkurt këtë vitë – është gjithashtu një kohë për shumë njerëz që të konsultohen me yjet dhe të zbulojnë se çfarë pret për muajt në vijim. Shumica e njerëzve i dinë bazat e zodiakut: cikli kalendar 12-vjeçar i zodiakut kinez përfaqësohet nga 12 kafshë të ndryshme, në këtë renditje: Miu, Kau, Tigri, Lepuri, Dragoi, Gjarpri, Kali, Dhia, Majmuni, Gjeli, Qeni dhe Derri.
Kafsha juaj e zodiakut përcaktohet nga viti juaj i lindjes, që do të thotë se të lindurit në 2024 do të bien nën shenjën e Dragoit. Të lindurit në 2025 do të jenë Gjarpërinjtë, e kështu me radhë.
2024 është viti i Dragoit të Drurit
Çdo vit, një kërcell qiellor (një nga pesë elementët, që bien në kategorinë yin ose yang) çiftëzohet me një degë tokësore (një nga 12 kafshët e zodiakut kinez). Këtë vit kombinon kërcellin qiellor "Jia" - që përfaqëson drurin yang - dhe degën tokësore "Chen" që përfaqëson Dragoin. Kjo e bën vitin 2024 Vitin e Dragoit të Drurit. Në varësi të asaj që përfaqësojnë elementët dhe si ndërveprojnë me njëri-tjetrin, ndjekësit besojnë se mund të mësojnë për ato që i pret muajt e ardhshëm./ZËRI
