BRITANI E MADHE- Nick Gibb dhe Neil O’brien janë dy ministrat e radhës që janë dorëhequr nga postet e tyre pas shkarkimit të Suella Braverman si Ministre e Brendshme. Gibb ka njoftuar se jep dorëheqjen si ministër i arsimit dhe si deputet në zgjedhjet e ardhshme.
“Kam diskutuar marrjen e një roli diplomatik pas zgjedhjeve të përgjithshme dhe si rezultat e kam pyetur kryeministrin nëse mund të largohesha nga qeveria në riorganizim dhe ai ka rënë dakord,”- është shprehur ai.
Gibb ka qenë ministër i arsimit për 13 vitet e fundit, duke shërbyer në tre raste të veçanta. Ai ka qenë në qendër të politikëbërjes konservatore të arsimit që nga viti 2005.
O’brien nga ana tjetër u dorëhoq nga posti i Ministrit të Shëndetësisë. O'Brien shkroi: "Ka qenë një privilegj të shërbeja në DHSC. Ekipi i shkëlqyer ministror dhe skuadrat [këshilltarët specialë] dhe disa zyrtarë fab. Por me kaq shumë gjëra që po ndodhin në vend, unë dua të fokusohem 100% në punën e zonës elektorale."
Qeveria britanike po reformohet. Gjithçka nisi me shkarkimin e Suella Braverman. Rishi Sunak, pas deklaratave të forta të Braverman, e cila kritikoi protestat pro-palestineze, duke i quajtur "turma pro-palestineze". Sunak e shkarkoi atë dhe e zëvendësoi me James Cleverly. Në zyrat qeveritare është parë dhe mbërritja e ish-kryeministrit David Camerun./Zëri.ai/
