RUSI- Komisioni Evropian po propozon një raund të 12-të të sanksioneve kundër Moskës, duke përfshirë kufizime për shumë individë, duke përfshirë djalin e ish-presidentit Dmitry Medvedev dhe një të afërm të Vladimir Putinit.
Midis 47 individëve që komisioni kërkon të shtohen në listat ekzistuese të sanksioneve janë kushërira e Putinit, Anna Tsivileva, e cila kryeson fondacionin "mbrojtësit e atdheut" që mbështet ushtarët rusë që luftojnë në Ukrainë. Gjithashtu në listën e zgjeruar është edhe Ilya Medvedev, emri dhe data e lindjes së të cilit përputhen me ato të djalit të vetëm të ish-presidentit. Ai është në shënjestër, pasi dyshohet për orkestrimin e një fushate dezinformimi dhe propagande në Ukrainë.
Përfaqësuesi i Lartë i BE-së për Punët e Jashtme, Joep Borrell njoftoi se paketa e 12-të e sanksioneve do të përfshijë më shumë listime, ndalime të reja eksporti, mes tyre diamante, veprime për të shtrënguar kufirin e çmimit të naftës në mënyrë që të ulë të ardhurat që Rusia po merr.
