Projekti i fundit i Jennifer Lopez në Netflix është komentuar nga kritikët, pavarësisht faktit se aktualisht kryeson shërbimin e transmetimit në mbarë botën. Në "Atlas", publikuar të premten, më 24 maj, Lopez luan Atlas Shepherd, një analiste e të dhënave që është shumë skeptike ndaj inteligjencës artificiale.
Heroina duhet të përballet me frikën e saj kur eksperimenti i inteligjencës artificiale të nënës së saj kërcënon të shkatërrojë botën. Si rezultat, ajo dërgohet në hapësirë në një mision special për të luftuar terroristin e inteligjencës artificiale, të luajtur nga Simou Liou. Në film luajnë gjithashtu aktori i "This Is Us" dhe "American Fiction" Sterling K. Brown dhe "Spin City" Lana Parilla.
Vlen të përmendet se fansat tashmë ishin të ndarë kur traileri u publikua në fund të prillit, me disa që e kritikuan historinë. Filmi është aktualisht më i shikuari në Netflix në mbarë botën, duke përfshirë Netflix në Mbretërinë e Bashkuar, ku është në numrin 1. Por pavarësisht popullaritetit të projektit, kritikët nuk duket se ndajnë entuziazmin e shikuesve. 'Atlas' ka marrë 17% zhgënjyese në Rotten Tomatoes, nga 65 komente deri më tani.
Johnny Oleksynski i New York Post shkroi: "Filmi nuk zbulon asgjë të re për një histori shumë të vjetër rreth marrëdhënies së njeriut me teknologjinë."
Helen O'Hara e revistës Empire vuri në dukje: "Lopez i jep të gjitha, por edhe karizma e yjeve të ekranit të madh nuk mund të kompensojë elementët e historisë së ricikluar, ekspozitën e lodhur dhe llafet e pafundme psikologjike."
Disa nga kritikët gjithashtu shkuan në X/Twitter për të ndarë mendimet e tyre. Një recensues i Rotten Tomatoes shkruajti: "Unë as nuk di çfarë të them përveç se kinemaja ekziston... Diku atje... Por jo këtu".
Ndërsa një tjetër pranoi: "U përpoqa të më pëlqente 'Atlas', por wow, është i keq."/ZËRI
