SHBA-Pas një urdhi ekzekutiv për të pezulluar të gjithë ndihmën për vendet e huaja për 90 ditë, presidenti amerikan ka reaguar në lidhje me fondet e USAID. Trump shkruan se shumica e fondeve të kësaj agjencie kanë shkuar për media me lajme te rreme, si pagesa për të krijuar histori pozitive për demokratët. Ai shprehet se mesa duket, media Politico ka marrë 8 milionë dollarë. Ai e quan skandalin më të madh në histori dhe shprehet se askush nuk mund të fshihet pas kësaj.
Donald Trump: Mesa duket, miliarda dollarë janë “vjedhur” te USAID dhe agjencitë e tjera. Shumica e tyre kanë shkuar për mediat me lajme të rreme, si pagesa për të krijuar histori pozitive për demokratët. Media e krahut të majtë Politico sa duket ka marrë 8 milionë dollarë. Po NYT a ka marrë para? Kush tjetër ka marrë? Ky mund të jetë skandali më i madh në histori. Demokratët nuk fshihen dot nga kjo, është shumë e pistë.
View this post on Instagram
Ndërkohë drejtuesit demokratë në Kongres kanë paralajmëruan Presidentin Donald Trump se këtë javë se do të shfrytëzojnë bisedimet e ardhshme mbi buxhetin federal si një mekanizëm për të ushtruar trysni, për të kundërshtuar ndryshimet e bëra nga administrata e rë në agjencitë qeveritare të Shteteteve të Bashkuara, si për shembull Agjencinë për Zhvillim Ndërkombëtar, USAID, agjencia kryesore që ofron ndihmë humanitare jashtë vendit.
-
-
Demokratët zotohen të kundërshtojnë ndryshimet në USAID
6 Shkurt, 15:57
Por çfarë ka ndodhur me fondet e USAID dhe përse po ndërpriten?
Asnjë nuk është suprizë! Pa u bërë ende president, gjatë fushatës elektorale, Donald Trump premtoi se nuk do të shpërndante më para për vendet e tjera, duke vendosur prioritet cilësinë e jetës së qytetarëve amerikane. Në momentin që u fut në Shtëpinë e Bardhë, e mbajti fjalën. Në ditën e tij të parë në detyrë më 20 janar, Presidenti Trump vendosi një ngrirje 90-ditore të të gjithë ndihmave për vendet e tjera. Kjo nuk do të thotë që ndërprerja do të jetë e përherëshme. Përkundrazi! Për 90 ditë, të gjitha instancat do të kontrollojnë se ku dhe për çfarë jepen fondet; nëse janë në koherencë me parimet dhe vlerat amerikane, fondet do të vazhdojnë të lëvrohen. Edhe në Shqipëri erdhi një listë me të gjitha institucionet që do t'u ndërpritej burimi i të ardhuravre nga Amerika. Teksa Elon Musk bënte detyrën e tij si "gardian" i shpenzimeve të taksapaguesëve amerikane, publikohet edhe lajmi për ndalimin e USAID. Për presidentin, ishin "radikalë të çmendur", ndërsa për Musk ishin "organizatë kriminale". Madje ky i fundit u shpreh se USAID ka ndërhyrë dhe ka ndikuar edhe politikisht me fondet e tyre. Por nuk dha shembuj dhe as vende se ku kishte ndodhur ajo për të cilën i akuzonte punonjësit e USAID.Në këto kushte, drejtimin e organizatës e ka marrë sekretari i Shtetit, Marco Rubio./ZËRI
