BRITANI E MADHE- Keir Starmer ka dhënë dorëheqjen si kryeministër dhe udhëheqës i Partisë Laburiste. Prej javësh, Starmer dhe mbështetësit e tij kishin këmbëngulur se do të përballeshin me çdo sfidë për lidershipin, por situata ndryshoi pas fitores së Burnham në zgjedhjet e pjesshme në Makerfield, që i siguruan rikthimin në Parlament.
“Pyetja që po bën partia ime tani është nëse unë jam në pozicionin më të mirë për të na udhëhequr në zgjedhjet e ardhshme të përgjithshme. E kam dëgjuar përgjigjen e partisë sime parlamentare për këtë pyetje dhe e pranoj atë përgjigje me mirësjellje. Çdo vendim që kam marrë ka qenë për të vënë vendin që dua në radhë të parë. Kjo është arsyeja pse do të jap dorëheqjen si udhëheqës i Partisë Laburiste. Kam folur me Madhërinë e Tij Mbretin këtë mëngjes për ta informuar për vendimin tim.”-u shpreh Starmer.
Kryetari i bashkisë së Mançesterit të Madh, Andy Burnham, shihet si kandidati kryesor për të marrë drejtimin e bashkisë, pasi fitoi bindshëm zgjedhjet e jashtëzakonshme në Anglinë veriperëndimore dhe siguroi rikthimin e tij në parlament.
Vetëm dy vjet pasi qeveria laburiste erdhi në pushtet në Mbretërinë e Bashkuar me një shumicë dërrmuese, qeveria tani do të hyjë në një periudhë të re pasigurie, duke u përballur me një kryeministër të gjashtë në shtatë vjet.
