ATHINË – Një shqiptar 41-vjeçar i quajtur Orjon Llupo është shpallur në kërkim në Greqi, pasi dyshohet se ka vrarë 38-vjeçarin Nikolao Mazaraqi më 17 nëntor.
Mediat greke raportojnë se autori i dyshuar i vrasjes është arratisur drejt Shqipërisë. Policia helene ka arritur të kontaktojë me familjarë të Llupos, me qëllim që ai të dorëzohet, gjë e cila ende nuk ka ndodhur. Dyshohet se Orojon Llupo fshihet në zonën e Divjakës.
Më datë 17 tetor 2023, në një banesë të improvizuar në një truall në zonën e Açarnës, i akuzuari pasi ka debatuar me 38-vjeçarin për lëndë narkotike, e ka plagosur në këmbë me një mjet të mprehtë dhe është larguar me shpejtësi.
Nga hetimet në vendngjarje u gjetën dhe u sekuestruan një thikë kuzhine e një brisk, ndërsa autori dhe viktima u arrit që të identifikohen. Mjekët thanë se 38-vjeçari kishte vdekur, për shkak të prerjeve të shumta me thikë që kishte marrë. Autoritetet mjekësore thanë se viktima kishte humbur shumë gjak.
41-vjeçari shqiptar është person i skeduar edhe më herët nga policia greke, akuzuar për armëmbajtje pa leje, organizatë kriminale, dëshmi të rreme dhe grabitje. Në periudhën kur vrau 38-vjeçarin, ai qëndronte ilegalisht në Greqi. Dosja e ngjarjes i është dorëzuar prokurorit kompetent, i cili e ka referuar rastin në Prokurori./Zëri.ai/
