GREQI- Mediat greke publikojnë detaje të reja nga vrasja makabre e 41-vjeçares shqiptare Georgia Murati nga partneri i saj grek, e cila ishte disa muajshe shtatzënë. Avokatja e familjes së 41-vjeçarës, Ariadni Nouka, është paraqitur në Gjykatë për të tërhequr një kopje të dosjes, edhe pse sipas saj nuk ka asnjë dyshim që gruaja shqiptare u vra nga dy personat që tashmë janë arrestuar dhe vënë nën akuzë. Lidhur me gjetjet e autopsisë në trupin e pajetë të 41-vjeçares shtatzënë janë tronditëse, pasi siç theksoi dhe avokatja, ato kanë qenë aq të forta sa i kanë thyer rruazën e qafës viktimës.
“Kemi ardhur për të bërë deklaratën në mbështetje të akuzës që bëjnë familjarët e viktimës, dhe për të kërkuar një kopje të dosjes, ku janë dhe të gjitha provat e gjetura. Mendimi i familjes është i qartë se ajo është vrarë nga dy të bashkëakuzuarit. Dhe nuk ka dyshim nga ana e familjes se këta individë kanë qenë bashkëpunëtorë në vrasjen e Georgias. Ashtu siç e kuptoni, unë si avokat duhet të kem njohuri për dosjen e çështjes dhe ta studioj atë.
Janë gjetur disa gjëra në shtëpinë e viktimës, e cila ka qenë në lidhje prej disa kohësh me një prej autorëve por nuk jetonte me të. Georgia jetonte me fëmijën e saj, me nënën dhe vëllanë e saj. Pra, këta elementë tregojnë sjelljen manipuluese të këtij njeriu ndaj Georgias dhe sa shumë i kishte bërë një shpëlarje e përgjithshme truri, dhe kishte krijuar një varësi emocionale absolute.
Ajo që familja e di nga personat që e kanë parë trupin e saj është se lëndimet kanë qenë veçanërisht të rënda, vrasja e saj ka qenë veçanërisht mizore me intensitetin që është kryer. Duket se ka pasur urrejtje, kjo tregon intensitetin e plagëve. Ajo ka pasur dëmtime të shumta në mitër”, deklaroi Nouka përpara se të hynte në Gjykatën e Selanikut.
Të shtunën, 39-vjeçari dhe shoku i tij 34-vjeçar janë dërguar në burg pasi kanë kërkuar falje në hetuesi për vrasjen e 41-vjeçares shtatzënë në Selanik.
“Ishte një proces i gjatë, u vendos paraburgimi i përkohshëm i të dy të pandehurve”, tha Giorgos Parigoris, avokati i 34-vjeçarit të akuzuar për bashkëpunim në vrasjen e 41-vjeçares shtatzënë Georgia Mourats në Selanik.
34-vjeçari akuzohet për bashkëpunim në rastin e vrasjes brutale të Georgia Muratis, pasi ka rrëfyer përfshirjen e tij në të dhe ka treguar në polici vendin ku kanë hedhur trupin e gruas shtatzënë. Sipas dëshmisë së avokatit, shoku i partnerit të3 Georgias, ka deklaruar se nuk ishte në dijeni të vrasjes, por i ishte thënë se do të kryenin grabitje.
Ndërkohë vetë partneri i Georgias, pasi ka kërkuar falje, ka akuzuar se krimi makabër është kryer nga shoku i tij.
Çfarë ka thënë 39-vjeçari në kërkim të faljes?
“Georgia ishte i vetmi person që kisha në botë. Nuk do të rrëfej për diçka që nuk e kam bërë. Atë natë mora tre pilula gjumi dhe nuk kuptova asgjë, të nesërmen u zgjova në mëngjes. Nuk jam unë ai që paraqitet në video”, tha partneri 39-vjeçar i 41-vjeçares teksa kërkoi falje. 34-vjeçari ka deklaruar në polici, se ai ishte në banesën e saj, vetëm për të improvizuar grabitjen, e cila nuk kishte si qëllim lëndimin e gruas shtatzënë.
“Kur partneri i saj mori thikën më kërkoi që të largohesha, dola nga ndërtesa dhe prita në makinë. Pastaj erdhi dhe më tha që e kishte vrarë”, ka dëshmuar 34-vjeçari.
34-vjeçari përsëriti gjithashtu se ishte bindur nga partneri 39-vjeçar i Georgias se ata do të kryenin një grabitje dhe se askush nuk do të lëndohej, ndërsa më pas kishte frikë për jetën e tij dhe të familjes së tij. Ai thotë që 39-vjeçari e kërcënoi për t'i mbajtur gojën mbyllur.
Vlen të theksohet se 34-vjeçari, i cili siç thekson edhe avokati i tij, ka shkuar vullnetarisht në Polici për të denoncuar atë që kishte ndodhur. Ai është informuar nga mediat për përmasat e ngjarjes, dhe kur ka mësuar se viktima ishte shtatzënë ka vendosur që të vetëdorëzoet dhe të rrëfejë gjithçka.
/ZËRI
