ANGLI - Njësia Ligjore për Fëmijët e Migrantëve dhe Refugjatëve (MiCLU) ka publikuar një raport, ku evidentot se azilkërkuesit shqiptarë në Britaninë e Madhe po keqtrajtohen. Në këtë raport, jepen detaje në lidhje me trajtimin e shqiptarëve në qendrat e azilit.
Raporti u publikua pas vetëvrasjes së shqiptarit Leonard Faruku në qendrën e azilit në Bibby Stockholm më datë 12 dhjetor dhe vdekjes në spital më 17 nëntor të një tjetër shqiptari të quajtur Alfred Dosku, që ndodhej në qendrën e azilit Brook House (IRC).
Në raport, MICLU se qëndrimi gjithmonë e më armiqësor ndaj kërkesave të shqiptarëve për azil në MB po shkakton një rrezik serioz për shëndetin mendor dhe mirëqënien e azilkërkuesve. Për më tepër, të qënit shqiptar bën që mjedisi ndaj tyre të jetë edhe më i ashpër, vetëm për shkak të origjinës.
Raporti vlerëson se të gjitha këto gjetje bëjnë që komuniteti shqiptar në Britani të ndjejë mungesën e shpresës. Gjithashtu, theksohet se diskursi publik dhe ajo që transmetohet në media ka rritur diskriminimin për komunitetin e shqiptarëve në Angli. Mungesa e avokatëve, që japin ndihmë për shqiptarët që bien në ndesh me ligjin, është tjetër shqetësim./ZËRI/
