TIRANË- Detaje të reja janë bërë me dije në lidhje me vrasjen e Arben Lleshit në Burgun e Sigurisë së Lartë në Peqin. Raportohet se Arben Lleshi është vrarë brenda qelisë së tij në katin e parë nga Sokol Mjaçaj. Ndërsa Indrit Shaqja ka mbetur i plagosur në këmbë pasi qelia ishte e vogël dhe shënjestrimi i Lleshit nuk ishte i lehtë. Lleshi dyshohet se ka marrë një plumb në qafë, por kjo mbetet ende e pakonfirmuar.
Mister mbetet personi apo personat që ndihmuan Sokol Mjaçajn në këtë krim ndërkohë që ende nuk dihet as se kush është porositësi i krimit. Në këto momente Sokol Mjaçaj po merrte në pyetje në Drejtorinë e Policisë së Elbasanit nga Prokuroria.
Pas krimit Sokol Mjaçaj mori peng dhe stafin e kuzhinës së burgut ndërsa pas negociatave dhe mbërritjes së ekipeve të RENEA-s ai është vetëdorëzuar. I plagosuri Indrit Shaqja ndodhet në spital nën kujdesin e mjekëve.
Gjasat janë që vrasja e Arben Lleshit të ketë lidhje me sagën e hakmarrjes mes familjeve Lleshi dhe Hoxha, e cila deri më tani ka regjistraruar 4 viktima (5 nëse konfirmohet që Lleshi është vrarë me porosi të tyre). Mjaçaj do të izolohej në regjimin e posaçëm “41 Biss”, por me sa duket kishte dhe një mission për të kryer. Vrasësi Sokol Mjaçaj, vuante dënimin me burgim të përjetshëm për vrasjen e dy turistëve çek në vitin 2015. Në tentativë për të iu grabtitur makinën Sokol Mjacaj i ekzekutoi të dy. Ngjarje e ndodhur në fshatin Lotaj të Dukagjinit./ZËRI
