LEZHË- Gjykata e Lezhës ka liruar nga qelia Agron Pukën, i cili 4 muaj më parë mbeti i plagosur nga përplasje me armë zjarri pranë një shkollë në Rrilë. Ai akuzohet për armbajtje pa leje dhe gjuatje me armë në kushtet e vetëmbrojtjes. Në seancën e sotme, Gjykata e Lezhës ka vendosur që të ndryshojë masën e sigurisë ndaj tij, duke e lënë në "arrest shtëpie".
Vendimi u dha nga gjyqtari Lirim Bulica, i cili mori edhe dakordësinë e prokurores Irena Sufja. Kjo pasi Puka, kishte probleme shëndetësore, ndaj të dy palët dolën në përfundimit se nuk mund të qëndronte në burg.
-
-
Dështon atentati ndaj Agron Pukës
6 Mars, 11:21 -
Ngjarja u regjistrua më 6 mars të këtij viti ndërsa Agron Puka u plagos pasi persona të armatosur qëlluan në drejtim të tij pasi ai la fëmijët në shkollë. Në deklaratën e tij para Policisë, 54-vjeçari Puka tha se ka qëlluar për vetëmbrojtje, pasi tre persona i kishin zënë pritë sapo la fëmijët në shkollë. Ngjarja që ndodhi në fshatin Rrilë të Lezhës, terrorizoi nxënësit e shkollës, mësuesit dhe banorët e zonës./ ZËRI
