ITALI- Marco Raduano, 40 vjeç, bosi i klanit "Vieste" është vendosur në pranga pas 1 viti arratie. Thuajse 1 vit më parë ai u arratis nga burgu i sigurisë së lartë "Badu' E Carros" në Sardenjë më 24 shkurt të vitit të shkuar, por sot është kapur në Francë.
Sipas mediave italiane, Raduano arriti të arratisej duke zbritur nga muret e burgut me çarçafë të lidhur pasi ishte prangosur sepse konsiderohej si një nga tre italianët e kërkuar nga Europol.
Bosi i Viestes u kap të enjten, më 1 shkurt, teksa ndodhej në një restorant elegant në Bastia të Korsikës, nën shoqërinë e një vajzë. Ai u prangos nga Carabinieri del Ros, e njëjta njësi që arrestoi Matteo Messina Denaro, të udhëhequr nga koloneli Lucio Arcidiacono.
Marco Raduano konsiderohet të jetë në krye të klanit "Vieste", grup që akuzohet për vrasje, trafik droge dhe zhvatje. 40-vjeçari i njohur me nofkën "tullumbace", më 31 tetor ai u dënua me burgim përjetë. Raduano aktualisht akuzohet (gjyqi është duke u zhvilluar) për vrasjen e Giuseppe Silvestri në Monte Sant'Angelo (Foggia) më 21 mars 2017 dhe për vrasjen e Omar Trotta në Vieste më 27 korrik 2017./ZËRI
