TIRANË- Detaje të reja janë zbardhur në lidhje me dosjen hetimore ne ngarkim të ish-ministrit të Shëndetësisë Ilir Beqaj dhe vartësve të tij. Kështu në dosjen e siguruar nga ZËRI, Prokuroria e Posaçme (SPAK) ka rënditur një moment takimi mes Ermal Kurtulajt, i cili dhe dyshohet se është personi që kryen takimet dhe “punët” në vend të Beqajt dhe Dorian Sadikut, bashkëortak i Eduart Currajt në “GZONA Restorant’’. Nga kqyrja e deritanishme e pamjeve filmike rezulton se në datën 14.12.2023 tek ‘’GZONA’’ shkojnë Ermal Kurtulaj dhe Dorian Sadiku. Ky i fundit vjen më një mjet "Benz" me targa në dukje me 888 dhe mjeti sipas të dhënave nga DRSSHT-ja është mjeti që më para ka pasur targa të tjera dhe ka udhëtime me Ilir Beqaj një dalje jashtë shteti në vitin 2022, referuar të dhënave të marra nga sistemi TIMS.
Sipas SPAK, nga të dhënat rezulton se subjekti ‘’GZONA’’ ka deklaruar shitje për periudhën 2019-2023 ndaj subjekeve Delta Pharma.al, me një vlerë totale 10.509.308 lekë. Këto fakte japin të dhëna për ndërveprim mes këtyre dy subjekteve, i cili ka lidhje me faktet objekt procedimi.
Nga komunikimet e muajit dhjetor krijohen dyshime se subjektet janë takuar për t'u marrë me rregullimet e dokumentacioneve përkatëse, bilanceve e të tjera për shkak të fundit të vitit pasi në muajin dhjetor mbyllen lëshimi i faturave përkatëse dhe bëhen llogaritë në lidhje jo vetëm me biznesin ‘’GZONA’’, e cila ka për ortak të vetëm shtetasin Eduart Curri, por nisur nga fakti që takimi është kryer me shtetasin Dorian Sadiku, bashkëpronar me shtetasin Eduart Curri në shumë subjekte të tjera, që kanë ushtruar aktivitetin e tyre dhe në kohën kur shtetasi Ilir Beqaj ka qenë ministër i Shëndetësisë dhe më pas deputet.
Pjesë nga dosja:
Nga të dhënat dyshohet se "Dori" i referohet shtetasit Dorian Sadiku, i cili është bashkëortak me shtetasin Eduart Curraj në shoqërinë Delta Holdin, e cila në të vërtetë është ortake e vetme e "Delta Pharma -al". Gjthashtu janë bashkëortakë në shoqërinë Curri SHPK. Kujtojmë këtu se shtetasi Eduard Curraj është ortaku i vetëm që zotëron kuotat pranë GZONA Restorant (Albanian Food and Hospitality Lab). Nga kqyrja e deritanishme e pamjeve filmike rezulton se në datën 14.12.2023 tek Gzona shkojnë Ermal Kurtulaj dhe Dorian Sadiku. Ky i fundit vjen më një mjet "Benz" me targa në dukje me 888 dhe mjeti sipas të dhënave nga DRSSHT-ja është mjeti që më para ka pas targa të tjera dhe ka udhëtime me Ilir Beqaj një dalje jashtë shteti në vitin 2022, referuar të dhënave të marra nga sistemi TIMS. Po ashtu, nga kqyrja e sistemit Cats të Tatimeve, rezulton se subjekti Gzona ka deklaruar shitje për periudhën 2019-2023 ndaj subjekeve Delta Pharma.al, me një vlerë totale 10.509.308 lekë. Këto fakte japin të dhëna për ndërveprim mes këtyre dy subjekteve, i cili ka lidhje me faktet objektprocedimi.
Nga komunikimet e muajit dhjetor krijohen dyshime se subjektet janë takuar për t'u marrë me rregullimet e dokumentacioneve përkatëse, bilanceve e të tjera për shkak të fundit të vitit pasi në muajin dhjetor mbyllen lëshimi i faturave përkatëse dhe bëhen llogaritë në lidhje jo vetëm me biznesin 'Gzona', e cila ka për ortak të vetëm shtetasin Eduart Curri, por nisur nga fakti që takimi është kryer me shtetasin Dorian Sadiku, bashkëpronar me shtetasin Eduart Curri në shumë subjekte të tjera, që kanë ushtruar aktivitetin e tyre dhe në kohën kur shtetasi Ilir Beqaj ka qenë ministër i Shëndetësisë dhe më pas deputet./ZËRI
