TIRANË- 100 vjet më parë lindi kolosi i skenës e ekranit shqiptar, Kadri Roshi, “Artist i Popullit” dhe “Nderi i Kombit”. Në nder të tij, i biri Kliti Roshi mblodh mik dhe dashamirë të të atit për ta kujtuar edhe njëherë figurën e tij në një datë të veçantë. Mes të ftuarve nuk kishte si të mungonte edhe miku i ngushtë i aktorit, kolegu u tij, Luftar Paja. Por ky i fundit hasi një moment të sikletshëm kur po tentonte që të akomodohej në një karrige të sallës.
Aktorit iu pre rruga nga dy ish-deputetët socialiste Namik Dokle dhe Spartak Braho. Në pamjet e siguruara nga ZËRI, aktori bën me shenjë që të kalojë, por as Dokle dhe as Braho nuk lëvizin. Madje Braho me shumë mundësi i bën edhe ndonjë koment të tipit: Shko ulu andej!
Luftar Paja mbeti në këmbë, derisa dikush u ofrua që ta ndihmonte.../ZËRI
