TIRANË- Debati në studio mes analistëve Lorenc Vangjeli dhe Andi Bushati, ka sjellë largimin e këtij të fundit. Gjatë bisedës, teksa Vangjeli po fliste, Bushati ka vendosur që të çohet nga ulësja e tij dhe të largohet, ndërkohë që drejtuesi i emisionit, Çim Peka, i kërkoi arsyen. Për të thënë fjalën e fundit, analisti u kthye nga rruga, ndërsa Peka vendosi që të ndërpriste emisionin.
PJESË NGA BISEDA:
Vangjeli: Është krijuar një flluskë gënjeshtre. Ato përgjime janë 1/100 e përgjimeve të dosjeve. Të dyja dosjet u përdorën si alibi për djegien e mandateve.
Bushati: A të iki unë? Kjo është idiotësi. Unë nuk të dëgjoj dot o Lorenc. Ata që janë atje edhe e ndërrojnë kanalin, po unë të dëgjoj idiotësira...
Vangjeli: Ngrihu dhe ik pra
Peka: O Bushati pse ike?
Bushati: Prej teje po iki. Ti ke përgjegjësi për të mos lësh idiotësira në emisionin tënd. Ky fut kasetën e partisë dhe duhet ta dëgjoj unë. Unë nuk jam spektator në miting mo vëlla.
Peka: Unë më mirë ndërpres emisionin dhe rikthehemi të hënën./ZËRI
