MAMURRAS- Një ngjarje e rëndë ka ndodhur mbrëmjen e sotme në Fushë Mamurras, ku një person është plagosur me thikë. Mësohet se 35-vjeçari është qëlluar disa herë me thikë pranë banesës së tij. I riu është dërguar me urgjencë drejt spitalit të Traumës në kryeqytet për ndihmë mjekësore.
Ende nuk dihen shkaqet e ngjarjes dhe personat që kanë kryer plagosjen. Ndërkohë Policia e Kurbinit ka mbërritur në vendngjarje.
Ndërsa, 35-vjeçari, që u plagos në Mamurras ka deklaruar në polici se nuk e ka identifikuar dot autorin, për shkak të errësirës. Në dëshminë e dhënë në komisariat, i plagosuri T.T u shpreh se një person e ka goditur me thikë disa herë dhe më pas është larguar. Për shkak të plagëve që ka marrë, i lënduari ndodhet në spital. Rasti po hetohet për veprën penale “Plagosje e rëndë me dashje”. Po punohet për identifikimin dhe kapjen e autorit./ZËRI/
