TIRANË- Stuhia, që përfshiu dhe Shqipërinë këtë mesditë, ka shkaktuar mjaft dëme në Tiranë. Në disa rrugë të kryeqytetit, siç shikohet në pamjet e publikuara nga JOQ, pemët kanë rënë në rrugë dhe në trotuar. Në disa raste, pemët ranë dhe mbi makina, duke dëmtuar shumë mjete.
View this post on Instagram
Përpos kësaj, rrugët e kryeqytetit janë mbushur përplot me ujë, duke sjellë kaos për banorët.
Stuhia ‘Ciaran’, e cila ka prekur disa vende të Europës, ka përfshirë ditën e sotme edhe vendin tonë duke krijuar vështirësi të madhe në qarkullimin e mjeteve. Rreshje të pazakonta shiu përfshinë kryeqytetin dhe kanë përmbytur disa rrugë në Tiranë. Situata është problematike dhe në akset rrugore ku autostrada Tiranë-Durrës është bllokuar nga trafiku, ndërsa rruga e Arbrit ishte thuajse e pakalueshme për dy orë për shkak të vërshimit të ujit dhe dherave. Në qytetin e Vlorës dhe Durrësit kushtet e përkeqësuar atmosferike sollën edhe pezullimin e lundrimit të mjeteve të vogla dhe anijeve të peshkimit. Kushtet meterologjike dhe lagështira e madhe në rrugë shtë bërë dhe shkak i aksidenteve ë vend ku dy persona kanë humbur jetën. Kushtet e motit sollën probleme edhe me energjinë elektrike në disa qytete./Zëri.ai
