GREQI- Vrasja e Enkelejda Danaj tronditi jo vetëm Shqipërinë por edhe vendin fqinj. Mediat e huaja kanë zbuluar dëshminë e fundit të dhënë në Polici, të 40-vjeçares para se burri i saj Eduart Danaj ta qëllonte 15 herë me thikë. Sipas dëshmisë së viktimës të dhënë në 7 maj kur denoncoi për herë të fundit ish-burrin për dhunë, ajo ka treguar se asnjëherë nuk shkuan mirë si çift.
Ajo ka deklaruar më 7 maj në polici se ish-bashkëshorti e ka vëzhguar prej një jave me makinë jashtë shtëpisë së saj. Enkelejda ka deklaruar se iu afrua dhe i tha se çfarë bën këtu, po ai e ka rrahur dhe duke i thënë se do ta djegë.
“Në përgjithësi nuk shkuam kurrë mirë, ai më kishte kërcënuar, kishte abuzuar shumë herë dhe gjithashtu më mërziti. Kam raportuar shumë incidente, por jo të gjitha. Prej një jave e kam parë ulur në makinën e tij jashtë shtëpisë sime dhe nuk e di pse. Dje 6/5 dhe rreth orës 23:30 ai ishte përsëri jashtë shtëpisë sime dhe vetëm ulur në makinën e tij. Iu afrova dhe e pyeta pse është këtu dhe ai filloi të më kërcënonte mua: do të shohësh çfarë do të ndodhë me ty, por do të të djeg. Ai ishte i dehur dhe kishte disa kanaçe birrë në makinë. Aty shkova të lajmëroja policinë dhe ai më kapi për fyti me forcë dhe ma ktheu gishtin. Më pas ka telefonuar vajza ime që ka qenë afër.”, tha ajo ndër të tjera në dëshminë e saj.
Ndërkohë në polici autori i krimit, ka thënë se një foto në Facebook e çoi në vendimin për të thurur planin për ta vrarë. Ai pretendon se e ka parë Enkelejdën të shfaqte foto me një burrë tjetër dhe vendosi t’i jepte fund gjithë kësaj.
'E mendova me shumë kujdes dhe vendosa që një natë më parë. E dija se sa orë shkon ajo në dyqanin ku punon dhe pa humbur kohë mora një thikë nga shtëpia dhe shkova në vendin ku e dija se do të shkonte në punë. Sapo e pashë që po vinte, iu afrova i thashë "çfarë ka ndodhur, a je mirë, të ngjitemi në shtëpi" dhe ajo m'u përgjigj "nuk kemi punë të shkojmë në shtëpi". Këto ishin fjalët e saj të fundit, kur u sulmua e thikë deri kur e ka lënë të vdekur në vend. Pastaj u largova nga atje në këmbë, shkova për dy orë për të fjetur në një hotel dhe kur u largova atje kërkova alkool dhe fillova të endem nëpër rrugë”, ka deklaruar 50-vjeçari.
Skena e krimit është kapur nga kamerat e sigurisë dhe ka qenë vajza e çiftit që i ka thënë policisë se cilat kamera kishin filmuar ngjarjen në vendin e sulmit. Enkelejda u godit me thikë mbi 10 herë nga bashkëshorti i saj Eduart Danaj, i cili u largua duke e lënë në rrugë trupin e gruas të mbuluar në gjak.
Eduart Danaj ka pranuar në polici se e ka ditur itinerarin e 40-vjeçares dhe e ka vëzhguar në mënyrë që t’i zinte pritë. Videoja e publikuar nga mediat greke ka treguar dhe momentin kur Eduart Danaj i del para bashkëshortes Enkelejda Danaj dhe kur ajo e sheh ndalon në rrugë. Më pas, 50-vjeçari i afrohet asaj dhe fillon ta godasë vazhdimisht me thikë më shumë se 10 herë. Në fund ai e lë thikën të ngulur në trupin e saj të pajetë dhe u largua nga vendi i ngjarjes./ZËRI
