ITALI-Lulzim Toçi, 31 vjeç, autori i vrasjes së Eleonora Toçit i ka dhënë fund jetës në burg. Toçi ndodhej në burgun e Santa Maria Capua Vetere (Caserta) të Italisë për të vuajtur dënimin për vrasjen e gruas së tij, në sy të dy fëmijëve të mitur, 4 dhe 6 vjeç.
Vetëvrasja raportohet se ndodhi sot pak pas orës 13:00. Ai vuante nga skizofrenia akute. Ky është rezultati i ekzaminimit mjekësor në burg. Toçi rrëfeu se kishte vrarë gruan e tij, por nuk ishte në gjendje të jepte arsyet. Edhe më vonë, gjatë seancës dëgjimore për vërtetimin e fajit, 31-vjeçari u shfaq jashtëzakonisht i hutuar dhe dha versione të ndryshme.
-
-
-
Shqiptari mbyt gruan në sy të dy fëmijëve të mitur
9 Tetor, 17:37
Ngjarja ndodhi mbrëmjen e 8 tetorit 2024. Fillimisht u fol për një mosmarrëveshje mes çiftit, hipotezë që më pas u hodh poshtë për shkak se Lulzimi nuk e përmendi, ashtu edhe për shkak se fqinjët nuk raportuan se kishin dëgjuar ulërima apo zhurma të çuditshme nga fqinjët e tyre. Babai i autorit tregoi se i biri ishte divorcuar nga Eleonor, por u rikthyen sërish bashkë dhe 24-vjeçarja shkoi të jetonte me të në Itali./ZËRI
