SPANJË-Garda Civile e Tarragonës po kryen një operacion kundër një organizate kriminale me bazë në Katalonjë, e dedikuar për trafikun e drogës (marijuanës), raportojnë mediat vendase. Nën drejtimin e gjykatave të Reus, agjentët e Gardës Civile po bëjnë kontrolle në Reus, Barcelona, Alcanar, Valls, Cunit, Riudoms , Sant Adrià del Besòs, Montornès del Vallès dhe Manlleu për të arrestuar personat përgjegjës për organizatën kriminale si dhe kopshtarët që janë të ngarkuar për të mbajtur një sy mbi plantacionet, të shpërndara në të gjithë vendin.
Po bëhen arrestime dhe sekuestrim të parave si dhe lëndëve narkotike. Çështja, e cila po shqyrtohet nga një gjykatë Reus, i nënshtrohet sekretit të procedimit. Agjentët thuhet se arrestuan disa persona, të cilët janë me kombësi shqiptare.
Baza e operacioneve të kësaj organizate të çmontuar sot ishte në zonën e Camp de Tarragona, megjithëse pati degëzime në të gjithë Katalunjën. Burime nga Garda Civile sigurojnë se është një aksion i rëndësishëm kundër krimit të organizuar që merret me këtë lloj droge në Spanjë./ZËRI
