MALIQ- Familjarët e të dyja palëve kanë reaguar pas denoncimit të abuzimit të një 16-vjeçareje në Maliq. E4 mitura denoncoi autorin Edison Sheme në prani të prindërve të saj. Por, ndërkohë që Sheme është shpallur në kërkim dhe ekzaminimet kanë dalë në përfundimin se vepra penale e “kryerjes së marrëdhënieve seksuale me të mitur” është konsumuar, familjarët i kanë dalë në mbrojtje. Bashkëshortja e Shemes mohon që kjo gjë të jetë e vërtetë, teka e përshkruan të shoqin si një njeri të rregullt e familja.
“Nuk ndodhesha në shtëpi për dy ditë pasi më lindi motra. Më erdhi policia në shtëpi dje por nuk më thanë asgjë se për çfarë bëhet fjalë. Më pyetën vetëm për Edisonin por unë nuk kam mundur të komunikoj me të. E mora vesh nga lajmet akuzën. Nuk ka shanse të jetë e vërtetë. Dyshoj që mund të jetë ndonjë çështje inati. Në dijeninë time, nuk ka ndodhur asnjëherë konflikt me familjen e vajzës, madje vajza dhe motra e saj vinin shpesh dhe këtu tek puna e Edisonit, më thërrisnin “teta”. Bashkëshorti im është njeri i rregullt, familjar, kemi 13 vite bashkë dhe tre fëmijë,”- është shprehur bashkëshortja.
“Babai i vajzës ishte shok i ngushtë me djalin tjetër që kam në Greqi. Kjo që na është bërë ne, është për shkak të konkurrencës sepse djemtë e mi janë shumë punëtorë,”- është shprehur nëna e autorit.
Ndërsa xhaxhallarët e të miturës thanë se ngjarjen e kanë marrë vesh nga mediat dhe se nuk dinë detaje të asaj që ka ndodhur.
“Rastin e morëm vesh nëpërmjet televizioneve. Nuk dinim asnjë gjë, sepse edhe vëllai nuk na ka thënë. Vumë re që dje nuk ishte fare në stallë familja e vëllait, as në shtëpi, dhe na ra në sy që mund të kishte diçka. Nuk kemi folur me vëllain, sot kishte ardhur në mëngjes tek stalla dhe iku pa na folur. Edisoni duhet të dënohet për këtë që ka bërë, nuk e besojmë dot dhe nuk na e merrte mendja të arrinte deri këtu,”- shprehen ata.
Marrëdhëniet seksuale mes Edison Shemes dhe të miturës dyshohet se kryeheshin në një magazinë që ndodhet ngjitur me stallën ku familja e vajzës mbante bagëtitë. Prokuroria ka sekuestruar pamjet filmike të kamerave të sigurisë që pritet të zbardhin detaje nga ajo që ka ndodhur mes tyre.
