DURRËS-Është zbardhur ngjarjen e ndodhur një ditë më parë në Durrës, ku një vajzë është hedhur nga kati i dytë i pallati. Ngjarja ka ndodhur rreth orës 13.30 e pasditës, kur e reja Darjana Linares (nga Venezuela) është hedhur nga ballkoni, pranë Prefekturës së qytetit. Policia zbulon se në banesën ku ndodhi sherri mes vajzës venezueliane dhe Ismet Zoto ushtrohej prostitucion dhe përdoreshin lëndë narkotike.
Efektivët kanë proceduar penalisht 39-vjeçarin, që hodhi nga ballkoni vajzën nga Venezuela. Gjithashtu, janë proceduar penalisht 5 vajza me shtetësi të huaj, të cilat së bashku me Darjana Linares kishin marrë me qira një banesë në Durrës dhe ushtronin prostitucion. Përpos kësaj, konsumonin edhe lëndë narkotike.
Njoftimi i policisë
Procedohen penalisht 5 shtetase të huaja që ushtronin prostitucion në një banesë të marrë me qira, në lagjen nr. 2, ku dhe përdoreshin lëndë narkotike. Procedohet penalisht 39-vjeçari, i cili mesditën e djeshme, për motive të dobëta, u konfliktua me njërën nga shtetaset e huaja.
Specialistët e Seksionit për Hetimin e Trafiqeve të Paligjshme të DVP Durrës referuan materialet në Prokurori, ku nisën procedimet në gjendje të lirë, për veprën penale “Prostitucioni”, për shtetaset L. O., 27 vjeçe, e lindur në Kolumbi, C. P., 30 vjeçe, e lindur në Venezuelë, Y. P., 47 vjeçe, e lindur në Spanjë dhe D. R., 24 vjeçe, e lindur në Venezuelë. Gjithashtu, u referuan materialet në Prokurori, ku nisi procedimi në gjendje të lirë, për veprat penale “Prostitucioni”, “Mbajtja e lokaleve për prostitucion” dhe “Përshtatja e lokaleve për përdorim droge”, për shtetasen D. L., 23 vjeçe, e lindur në Barcelonë.
Nga verifikimet dyshohet se këto 5 shtetase ushtronin prostitucion në një banesë të marrë me qira, në lagjen nr. 2., ambient të cilin e kishin përshtatur gjithashtu për përdorim të lëndëve narkotike.
Në vijim, u referuan materialet në Prokurori, ku nisi procedimi në gjendje të lirë, për veprën penale “Dëmtime të tjera me dashje”, për shtetasin I. Z., 39 vjeç, banues në Shijak, sepse rreth orës 14:40 të ditës së djeshme, në ambientet e banesës në lagjen nr. 2, u konfliktua me shtetasen D. L..
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Darjana Linares ka ardhur nga Venezuela në Shqipëri, bashkë me një grup vajzash të tjera, pasi kanë gjetur "terren" për të ushtruar prostitucion në qytetin bregdetar. /ZËRI
