TIRANË- Dalin pamjet nga momenti kur autorët i vënë tritolin lokalit të marrë me qira nga Oltjon Muçaj në Kamëz në orët e para të mëngjesit të kësaj të shtune. Siç mund të shihet në pamje, "Audi" i zi ka ndaluar përballë derën së "Olti Lounge Bar" dhe njëri prej tyre zbret poshtë. I veshur me xhup dhe një kapele në kokë, ai shkon me nxitim tek dera e biznesit dhe hedh lëndën plasëse dhe pastaj po me shpejtësi kthehet në makinë dhe më pas zhduken.
Dyshohet se para se të kryenin aktin, autorët kanë qarkulluar për disa minuta me makinë rreth zonës ku ndodhet biznesni në pronësi të 24-vjeçarit. Ky i fundit në dëshminë e tij para Policisë ka deklaruar se nuk e di se kush qëndron pas sulmit dhe se ai nuk ka konflikte me askënd.
Policia ka nisur të kontrollojë dhe kamerat e sigurisë në zonë për të bërë të mundur zbulimin e itinerarit të ndjekur nga autorët. Fatmirësisht nga shpërthimi nuk kishte persona të lënduar por vetëm dëme materiale./Zëri.ai
