TIRANË- Një aksident i rëndë rrugor ka ndodhur mbrëmjen e sotme në zonën e Misto Mames, ku një 55-vjeçare ka humbur jetën pasi u përplas nga një automjet.
Ngjarja ka ndodhur rreth orës 18:30. Sipas të dhënave paraprake, 23-vjeçari me inicialet O. V., teksa drejtonte automjetin, ka aksidentuar këmbësoren D. P., rreth 55 vjeçe.
Përplasja ka qenë fatale për gruan, e cila ka ndërruar jetë si pasojë e plagëve të marra.
Drejtuesi i automjetit është shoqëruar në komisariat, ku po kryhen veprimet e mëtejshme procedurale.
Grupi hetimor vijon punën për të zbardhur rrethanat dhe shkaqet e aksidentit.
Njoftimi i Policisë:
Rreth orës 18:30, në Misto Mame, shtetasi O. V., rreth 23 vjeç, duke drejtuar automjetin, ka aksidentuar këmbësoren, shtetasen D. P., rreth 55 vjeçe.
Si pasojë e përplasjes, shtetasja D. P. ka ndërruar jetë.
Drejtuesi i automjetit është shoqëruar në Komisariat për veprime të mëtejshme procedurale.
Grupi hetimor vijon punën për sqarimin e plotë të rrethanave të aksidentit./ZËRI
