TIRANË- Kreu i Prokurorisë së Posaçme, Altin Dumani, ka reaguar mbi akuzat e Ilir Metës se është takuar me ish-agjentin e FBI-së, Charles McGonigal. Në një reagim për CNA, Dumani thotë se nuk ka pasur asnjë takim të mëparshëm me McGonigal, dhe se emrin e tij e ka dëgjuar vetëm pas publikimit të lajmeve në mediat shqiptare.
“Unë nuk e kam takuar kurrë McGonigal. Gjithçka është thënë në media, është në vazhdën e akuzave të vazhdueshme, të pabaza që bëhen për institucionin që unë drejtoj. Nuk ka pasur asnjë arsye për të takuar McGonigal, as nuk e kam njohur kurrë dhe emrin ia kam dëgjuar pas publikimeve ne mediat shqiptare”.
Në lidhje me pyetjen se “A ka hetime të mëtejshme për dosjen McGonigal dhe ish-agjentin e FBI-së?”, Dumani është përgjigjur se nuk mund të flasë, nuk mund të shprehet për këtë çështje.
Çfarë deklaroi Ilir Meta
Hetimi i SPAK-ut tarallakut nisi kur isha akoma President në 2019 nga Altin Dumai që bën si i fortë dhe kërkon të merret personalisht me mua. Sipas të dhënave të mia, Altin Dumani është takuar me McGonigal. Kokra e legenit Gonigali, më fal që po shprehem kështu.
SPAK është në shërbim kriminal të Edi Ramës. Tarallaku se kujton se me kto presione do më ndalojë mua, e duke kapur ndonjë laraskë, do marrë peng Partinë e Lirisë. Kjo i duhet Edi Ramës, siç morri peng vulën dhe logon e PD-së me logo gjykatash. Edhe unë e hetoj Dumanin për veprimtari politike. Sepse është ky person që nuk ka kurajo ti vërë hekurat Edi Ramës për inceneratorët apo Erjon Veliajn.
/ZËRI
