SHKODËR- Një ngjarje e rëndë ka ndodhur në Prekal të Shkodës, ku në person është gjetur i vrarë brenda një automjeti.
Policia bën të ditur se viktima, Aleksander Koçeku, është gjetur i vrarë me armë zjarri, rreth orës 19:00 në aksin rrugor Prekal-Kir.
Ndërkohë po punohet për zbardhjen e plotë të ngjarjes, identifikimin dhe kapjen e autorit/autorëve.
Njoftimi i Policisë:
Rreth orës 19:00, në aksin rrugor Prekal–Kir, është gjetur në automjet, i dyshuar i vrarë me armë zjarri, shtetasi A. K.
Menjëherë pas marrjes së njoftimit, shërbimet e Policisë kanë shkuar në vendngjarje dhe vijojnë kontrollet intensive në zonë për lokalizimin dhe kapjen e autorit/ve.
Ndërkohë, është ngritur një grup i posaçëm hetimor dhe nën drejtimin e Prokurorisë, po punohet intensivisht për fiksimin dhe administrimin e çdo prove që do t’i shërbejë hetimit, me qëllim zbardhjen e plotë të ngjarjes, dokumentimin ligjor të saj, si dhe identifikimin dhe kapjen e autorit/autorëve./ZËRI
