ITALI-Shqiptari nga Kosova, Bujar Fandaj, është dënuar me 40 vite burg nga Gjykata e Trevisos në Itali për vrasjen e ish-partneres së tij, 26-vjeçarja Vanessa Ballan, e cila në atë kohë ishte shtatzënë. Vendimi përloti prindërit dhe partnerin e viktimës në sallën e gjyqit.
“Drejtësia është bërë, por ju jeni të mallkuar për jetë”, janë shprehur familjarët e 26-vjeçares në gjyq.
-
Publikohet autopsia e Vanessa Ballan: U godit 8 herë me thikë 20 cm
24 Dhjetor, 14:48 -
-
Vrasja ndodhi në via Fornasette, në Spineda, një fshat i Riese Pio X. E reja u godit me thikë shtatë herë në hyrje të banesës së saj, nga Bujar Fandaj, teksa raportohet se ajo e kishte denoncuar më parë autorin për përndjekje. Ballan i kishte dhënë fund marrëdhënies së saj me Bujar Fandaj në verë të atij viti, ndarje e cila nuk është pranuar nga autori. Alarmi u ngrit nga një fqinj, i cili njoftoi menjëherë policinë. Vanessa ishte në pritje të fëmijës së saj të dytë./ZËRI
