TIRANË-Qytetarët kanë zbritur sërish sot në sheshin kryesor të Tiranës, në një protestë kundër projektit në zonën e Zvërnecit, i cili ka shkaktuar debat të gjerë publik dhe reagime të forta ditët e fundit. Me sloganin “Shqipëria nuk është në shitje”, banorët kanë nisur marshimin. Protestuesit janë ndaluar para Ministrisë së Brendshme, ku në pamjet e siguruara nga ZËRI, shihen teksa nxjerr telat për të rrethuar godinën.
View this post on Instagram
View this post on Instagram
Protesta vjen në vijim të zhvillimeve të fundit në Zvërnec, ku janë regjistruar edhe tensione dhe përplasje. Një ditë më parë protesta u zhvillua përpara Drejtorisë së Policisë së Shtetit në Tiranë kundër ndërtimeve në zonat e mbrojtura. Tubimi zgjati për më shumë se dy orë, ku qytetarët kërkuan anulimin e projektit në Zvërnec. ZËRI ndau pamjet nga protesta ku qytetarët kërkuan transparencë të plotë mbi ngjarjet e ndodhura në Zvernec, identifikimin dhe ndëshkimin e autorëve të dhunës, sqarime publike nga drejtuesit e Policisë së Shtetit si dhe garantimin e sigurisë dhe të drejtave kushtetuese të qytetarëve./ZËRI
