TIRANË- Organizata Ndërkombëtare e Migracionit ka publikuar raportin e vitit 2024, ku në të vërehet se rreth 40% e fuqisë punëtorë të Shqipërisë ka emigruar në vende të ndryshme të Evropës. Sipas raportit të publikuar, arsyeja përse shqiptarët janë larguar ka të bëjë me mungesën e mundësisë së punësimit në vend, mungesa e pagave dinjitoze, normat e larta të varfërisë si dhe korrupsioni i konsiderueshëm.
“Kryesisht për shkak të mungesës së punës me kushte të mirë dhe paga të larta, shumë njerëzi janë duke u larguar nga nënrajoni, shpesh për të punuar në Evropën Perëndimore dhe Veriore. Vende si Shqipëria dhe Moldavia janë disa nga më të goditurat; rreth 40% e fuqisë punëtore të Shqipërisë, për shembull, vlerësohet të jetë duke punuar jashtë vendit. Kjo po ushtron presion mbi industritë lokale dhe ekonomitë që humbasin vazhdimisht punëtorë si në sektorët me kualifikim të ulët ashtu edhe në atë të lartë. Normat e larta të varfërisë, hendeqet e pagave midis Shqipërisë dhe vendeve të tjera të rajonit, korrupsioni i konsiderueshëm janë ndër të tjera faktorët që kontribuojnë në vendimet e njerëzve për t'u larguar nga vendi. Vende të tjera si p.sh. Bullgaria dhe Serbia nuk bëjnë përjashtim dhe vazhdojnë të shohin shumë nga të rinjtë e tyre të largohen. Mijëra të rinj shqiptarë, për shembull, kanë bërë udhëtime të vështira për t'u përpjekur dhe arrijnë Evropën Veriore, veçanërisht në Mbretërinë e Bashkuar, me shumë që rrezikojnë jetën e tyre duke kaluar Kanalin Anglez në varka të vogla ose gomone”, thuhet në raport.
Sipas gjetjeve të raportit, mijëra të rinj shqiptarë kanë rrezikuar jetën e tyre për të mbërritur në Mbretërinë e Bashkuar duke kaluar Kanalin Anglez me gomone ose me varka. Largimi i të rinjve nga vendi, si me arsimin e ulët apo të lartë, po ushtron presion mbi industritë dhe ato janë vazhdimisht duke humbur punëtorë./ZËRI
