KAMËZ- Publikohen pamje të reja nga ngjarja e rëndë në Bathore ku mbetën të vrarë dy vëllezërit Selam dhe Nazmi Islamaj ndërsa vëllai i tyre i tretë Shefqet Islamaj mbeti i plagosur. Pamjet tregojnë momentet para të shtënave me armë që përfunduan në një tragjedi me dy viktima.
Ngjarja ndodhi mesditën e së hënës më 19 tetor pas një konflikti mes vëllezërve Islamaj dhe Ngushëllim Manzit 40 vjeç. Përplasja dyshohet se nisi për një betoniere dhe përfundoi me përdorimin e armës së zjarrit.
Si pasojë e të shtënave, humbën jetën Selam Islamaj rreth 30 vjeç dhe Nazmi Islamaj 48 vjeç. Ndërsa vëllai i tyre, Shefqet Islamaj rreth 44 vjeç mbeti i plagosur.
Ngushëllim Manzi punonjës i Policisë Ushtarake u arrestua pas ngjarjes. Hetimet synojnë të zbardhin plotësisht rrethanat e konfliktit që përfundoi me vrasjen e dy vëllezërve dhe plagosjen e të tretit./ZËRI
